Nasartaartut 2024

Sisamanngorneq juunip ulluisa 13-ianni 2024 Aasianni GUX-imi nasartaartoqarpoq.

Pisarnertut angajoqqaat, ilaquttat allallu persuarsiorlutik Aasiannut tikerarsimapput.

Silami assiilisaqattaartoqareermat nerisarfimmut isaallutik oqalugiartussat oqalugiarput akissarsisitsisoqarlunilu.

Aasiaat GUX-imi rektori Dorthie Siegstad tikilluaqqusereermat inersuarmiittut tamarmik erinarsorpaat ”Ullut pilluarnavissut ulloraakka”. Taava rektori nasartaartunut oqalugiarpoq. Oqalugiareermat 1.G-mi ilinniartut marluk akunniliillutik erinarsorput. Tamatuma kingorna akissarsisitsisoqarpoq. Angusarinnerpaaq, takkuttuaannartoq, qiimmassaasoq siariarnerpaaq allallu. Akissarsiassanik aningaasaliisuupput: Anuni, GrønlandsBanken aamma Nuna Fonden.

Tamakku piareermata inersuarmi (aula) Aasiaat GUX-imi iggaffimmiut sassaalliutaannik sassaallertoqarpoq.

Soorunamilu aamma Kommune Qeqertaliup eqqaani eqqaassutissap eqqaanukarput. Tassani ilinniarnertuunngortut nasatik qummut miloriuppaat.