Ullumikkut (ataasinngorneq maajip ulluisa 27-anni) Sverigemit Böleängsskolanimi atuarfiup pisortaa Oskar Fredriksson tullersortaa Anna Nordin ulluinnarnilu atuarfimmi qanimut suleqatigilluinnakkatik; niviarsiaq, specialpædagogisk konsulent, atuartitsinermi siunnersorti psykologilu ilaliullugit pulaarpaatigut. Pulaarnerminni siunertaraat inuttut inerikkiartornermi atuartitsineq qanoq ingerlanneqartarnersoq paasisassarsiorfigalugu aamma atuartitsissutip pitsaaqutai kingunerisinnaasaalu paasisaqarfiginerorusullugit. Pulaartoqarneq sivikiginarsinnaasoq tamatsinnut pissarsiffiulluarpoq. Assimi ukiuni arlaqalersuni inuttut inerikkiartornermi atuartitsinermik misilittagallit apersorneqarput. Tamanna sioqqullugu atuartut atuartinneqarnerini klassinut isillattaarlutik malinnaapput.
