Pingasunngorneq maajip ulluisa 15-ianni Aasiaat Katersortarfiani sunngiffimmi pisortanngorlaap Aasianni peqatigiiffiit ataatsimeeqatigai.
Sunngiffimmi pisortanngorlaaq Saamu Kleemann maajip ulluisa aallaqqaataat aarlarnerfigalugu sunngiffimmi pisortatut Kommune Qeqertalimmi Aasianni atorfinippoq.
Siunertaq
Sunngiffimmi pisortap peqatigiiffiit naapisinnerannut pissutigaa Aasiaat illoqarfiani kulturikkut eqeersaaqatigiinnissaq. Tassa siunissamut pilersaarusioqatigalugit.
Taamaammat nerrivikkaartumik eqqartuisippai siunissami peqatigiiffiit ikioqatigiillutik aaqqissueqatigiittarnissaat pillugu takorluukkat.
Takorluukkat ilaat
Peqatigiiffiit nerriviikkaarlutik ukiup ingerlanerani peqatigiillutik/ikioqatigiillutik kulturikkut sutitsisarnissamik takorluukkersaarnerminni ilaatigut ukiup kaajallannerani pisartut (årshjul) tulleriiaarlugit allattuisimapput. Ilaasa takorluukkaminnut ilaatippaat Inuiattut ullorsiornermi sapaatip-akunneraluunniit peqatigiiffiit tulleriaarlutik aaqqissuussisarsinnaasut. Soorlu assersuutigalugu ulloq siulleq uku peqatigiiffiat aaqissuussilluni, ullup tulliani una peqatigiiffiit, tassa sapaatip-akunnera atorlugu Inuiattut Ullorsiorneq ingerlanneqartarsinnaalluni. Imaluunniit nerriviup allap tamanna ima takorloorpaa: Inuiattut Ullorsiorneq peqatigiiffiit immertassagaat, soorlu nal. una, peqatigiiffik uani imatut sammisassaqartitsiniarpoq, peqatigiiffik una uani. Allarpassuit aamma eqqartorneqarput.
Peqatigiiffippassuit peqataapput
Peqatigiiffiit naapisinneqarneranni peqatigiiffippassuit peqataapput, ilaat pilersitsilersut, ilaat sukataarlutik ingerlaniarsarisut. Tassa imaappoq inuit 40-50 takkupput. Taamaattumillu aamma soqutiginartorpassuarnik takorluugaqarput. Taamaammat peqatassut unnummik nuanneraluartitsiinnarlutik naammassipput. Soorlumi aamma sunngiffimmi pisortap tikilluaqqusinermini oqaatigigaa unnuit naapiffiusut nuanneraluartitsinnaartarluta ingerlattassagigut.
Ullut marluk peqatigiiffinnit akeqanngitsumik atorneqarsinnaavoq
Massakkut aallarteqqammerpoq Aasiaat Katersortarfiata sapaatip-akunneranut ullut marluk, tassa pingasunngorneq aamma arfininngorneq, peqatigiiffinnit akeqanngitsummik atorneqarsinnaavoq. Katersortarfiup inersua aamma katersortarfiup qalia. Katersortarfiup inersua attartussagaanni Timi Tarnimi (sunngiffimmi pisortaq) attavigalugu ulloq suna attartortoorusunnerlutik nalunaartoqarsinnavoq. Katersortarfiup qalia ataatsimiiffisiusinnaasutut atorneqarsinnaavoq. Taanna atorusukkaanni Katersortarfik attavigineqarsinnaavoq.
