Illoqarfittut ikinngutitsinniit tikeraartoqarpugut

Ukiarmimaa illoqarfittut ikinngutitaarnikuuvugt qeqertap Madagaskarip eqqaani qeqertaarannguamiittumik – Saint Philippe. Taqqavanngaarnersuaq aggeramik ullut pingasut angalasimapput.

Ulluni kingullerni tassanngaanniit atuartut 11-12-inik ukiullit tikeraarteqarpugut. Ulloq siulleq Gammeqarfimmut pulaarput, tassani erinarsorlutillu qitipput. Aqaguani Akunnaamut utersarlutik aamma atuarfimmut pulaarput. Tassani atuartut apusereqatigaat. Uteramik sisamanngornermi ASP-p Ataarummut takornariarput, ataarutinillu atukkerneqarlutik ataarlutik misiliisinneqarput assorsuaq nuannarisaminnik. Ullumikkut Aasiaat Katersugaasivianut takornariarput, aamma takusarpaat illu issumik ujaqqanillu qammagaq. Tikeraat oqaluttuunneqarput apeqquteqaqattaarlutillu. Ilaasa apeqqutigaat qanoq uffartarsimanersut. Meeqqat nuannisaqaat, pulaakkaminnillu alutorsarlutik.

Tikeraat kiattuminngaanneermata atisat oqortut suminngaanniit pisimaneraat apeqqutigigakku oqaatigineqarpoq, ilaatigut timersuutaarniarfinnit pissarsiarineqarsimasut, ilaat tunissutit ilaallu ilaquttaminnit pissarsiarisimavaat. Ilami tikeraagut bananit, ananassit vanilleallu akornanni peroariartortuupput. Ilaasa kissaatigilereersimavaat tikeraaqqissinnaanissartik nuannisangaaramik. Kalaallit Nunaat nuannareqaat, pinngortitaq, inuilu assut inussiarnernerarlugit.