Ippassaq maajip ulluisa qulingiluaanni Danmarkimi ilinniagaqartut Ministeriunermik Mette Frederiksenimik aammalu Ilinniartitaanermut ministerimik Christina Egelundemik oqaloqateqarlutik nereqateqarput.
Ilinniartup aappa Kommune Qeqertalimmeersoq oqaloqatigiinnermut takkussimasoq tassaavoq Nukarleq Ivalo Jeremiassen, ilaatigullu taassuma Mette Frederiksenimut oqaluttuaraa Danmarkimut qanoq paasinninnini.
– Tassunga oqaluttuaraara qanoq ililluni Kalaallit Illuutaata Aarhusimiittup ilinniartunut universitemi atuarneranni immaqalu aamma inuunerup sinnerani pitsaasumik attaveqartarnera. Pingaaruteqarluinnarpoq angerlarfissaqarluni toqqammaveqarnissaq, soorlu Kaslaallit Illutaanni kollegiemi taamaattoq. Aammattaaq Kalaallit Nunaannut attaveqarneq annertungaatsiartumik oqaloqatigiissutigaarput, kiisalu suliffeqarfiit suliniaqatigiiffiillu aasaanerani suliffinnik, suliffimmik sungiusarfissanik kiisalu ilinniartunut assigisaannullu neqerooruteqartarnerat. Uanga ataatsimiinnermi Kommune Qeqertalik sinnerlugu peqataavunga, tassami tassunga attuumassuteqarama. Taakku aqqutigalugit attaveqalerpunga periarfissarpassuarnillu tunisillunga. Tamanna uannut annertuumik kajumissaataasimavoq, taamaalillunilu Kalaallit Nunaannut attaveqaannarninnut sunniuteqarsimalluni. Isumaqarpunga Kommune Qeqertaliup iliuusaa assersuutzalluartoq Kalaallit Nunaanni suliniaqatigiiffiit kalaallinut ilinniartunut Kalaallit Nunaannut attaveqarnerminnut aserfallattaaliinissamut periarfisseeqataammata.”
