Tusarniaanermi killigititaq: 30-05-2024 00:00
Naalakkersuisoqarfik: Aalisarnermut Piniarnermullu Naalakkersuisoqarfik
Tusarniaanermi akissutit nassiunneqassapput: apn@nanoq.gl
Qilalukkanik qaqortanik qernertanillu illersuineq piniarnerlu pillugit nalunaarummut nutaamut missingiut ilanngullugu tusarniutissatut nassiunneqarpoq.
Qilalukkanik qaqortanik qernertanillu illersuineq piniarnerlu pillugit nalunaarummut nutaamut missingiut makkuninnga allannguutitaqarpoq:
- Piniarneq aallaaniarnermullu inatsisartut inatsisaat nutaap malitsigisaanik allannguutit.
- Qilalukkat qaqortat pillugit nunap assinganik ilanngussamik immikkoortumik ilisarititseqqiineq.
- Tunumi qilalukkanut qernertaqatigiinnut ilisimatuussutsikkut killeqarfiit nutaaqalernerata malitsigisaanik piniartarfiit nutaat.
- Kitaani qilalukkanut qaqortaqatigiinnut killeqarfiit nutaat.
- Piniarfik Ikeq (kingullermik Iita) kujammut killeqarfia allanngortinneqarpoq. Siorapaluk piniarfik Ikeq-mut ilanngunneqarpoq.
- Nassuiaatinik erseqqissaassuteqarneq.
- Qilalukkanik qaqortanik qernertanillu pissataqarnermi annaasaqarnermilu pisassiissutinik akuersissutinilluunniit ilanngaasoqartannginneq.
- Arnaviat piaqqallit eqqissisimatitaalerput.
- Akuersissutit elektroniskimik takutinneqarsinnaalerput.
- Silut pillugit erseqqissaaneq.
- Pisassiissutinut atatillugu kommunalbestyrelsip suliassaanik erseqqissaaneq.
- Sunngiffimmi pinialuttartut pisassaasa annertussusissaat Naalakkersuisuniit aalajangersarneqarsinnaanerat pillugu erseqqissaaneq.
- Pisaqarnermi akuersissuteqarnissamut piumasaqaatinik erseqqissaaneq.
- Kommunit ileqqoreqqusai pillugit immikkut immikkoortumik ilisarititsineq.
- Immikkut akuerineqarneq pillugu immikkoortoq itisilerneqarpoq.
- Pisat pillugit nalunaaruteqarnissamut immersugassaq nutaaq.
- GPS sumiiffik pisaqarnermi allanneqarnissaa pillugu piumasaqaat.
- Aaqqissuussinermit teknikikkullu isikkulinnit allanngortitsinerit.
Tusarniaanermi piffissaliussaq killeqartinneqarpoq sisamanngorneq ulloq maajip 30-iat 2024. Tusarniummut kingusinnerpaamik akissuteqarnissaq kinguartinneqarsinnaanngilaq.Tusarniaanermi akissutit uunga nassiunneqarnissaat kissaatigineqarpoq APN@nanoq.gl
Allagaatit:
-
1) Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutissaannut siunnersuut.
2) Ilanngussaq 1 – Pisat pillugit nalunaaruteqarnissamut immersugassaq.
3) Ilanngussaq 2 aamma 3 – Piniarfiit killeqarfii.
Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutissaannut siunnersuut
Ilanngussaq 1
Ilanngussaq 2
Ilanngussaq 3