Marlunngorneq februaarip ulluisa 27-anni nal. 19.00 – 21.00 meeraaqqerivimmi aqutsisoq Laila Samuelsen aamma Marie Sandgreen peqatigalugu inunngujaartarneq pillugu innuttaasunut saqqummiipput.
Meeqqat inunngujaarnikut pillugit pikkorissartoqareernerani paasineqarsimavoq meerannguit inunngujaarsimasut siornatigut ADHD-rtutut Autismeqartutullu nalilerneqartarsimasut. Tamannalu pinngitsoorniarlugu ullumikkut meeqqat meeraaqqerivinnut meeqqerivinnulluunniit iseqqaaraangata angajoqqaavi paasiniaaffigineqartarput meeraq inunngujaarsimanersoq.
Innuttaasut saqqummiivigineqartut meeqqamik qisuariaatigisartagaannut namminnerlumi inersimasunngoreeraluarlutik saqqummiunneqartut ilisarsiffigaat.
Saqqummiisut oqarput ukiumut ataasiarlutik inunngujaartarneq pillugu innuttaasunut saqqummiisarniarlutik.
