Avannaata Qimussersui arfininngorneq marsip 17-ianni 2024 ingerlanneqarpoq. Ukiut arlaqalerput Aasiaat Kommuniani, Avannaata Kommuniani kiisalu Kommune Qeqertalimmit Avannaata Qimussersuanut peqataasartut aatsaat taama angusarissaartigigamik.
Ukioq manna Avannaata Qimussersuanut Kommune Qeqertalimmiit ima angusaqarput:
Jonas Kristensen Aasiammiuugallartoq Kommune Qeqertalimmi peqataasunit angusarinnersaalluni Avannaata Qimussuani nr. 5-inngorpoq atorsimallugit 1.36.30.
Nr. 7-itut inissippoq Isak Siegstad, Aasiaat, atorsimallugit 1.41.15.
Nr. 10-nngorpoq Zakorat Zeeb, Qeqertarsuaq, atorsimallugit 1.43.10.
Nr. 15-inngorpoq Erneeraq Jeremiassen, Aasiaat, atorsimallugit 1.46.13, taanna aamma qimmerinnerpaatut toqqarneqarpoq.
Nr. 16-inngorpoq Miki Therkelsen, Kangaatsiaq, atorsimallugit 1.46.46.
Nr. 17-inngorpoq Hans Jørgen Lukassen (Qeqertarsuaq) atorsimallugit 1.47.06
Nr. 21-nngorpoq Lars Iversen, Qasigiannguit, atorsimallugit 1.49.47.
Nr. 23-nngorpoq Gerth Frederiksen, Kangaatsiaq, atorsimallugit 1.51.33.
Nr. 27-nngorpoq Daniel J. Heilmann (Qeqertarsuaq) atorsimallugit 2.00.08
Justus Wille, Kangaatsiaq, aamma Aqqalu Thomsen, Qasigiannguit ajoraluartumik qimmeerserlutik normoqanngitsoorput.
Jonas Kristensen Facebookimi quppernermini ima allappoq:
“Aasiannut nuukkama isumaqanngikkaluarama ulloq manna angussallungu.
Maanna uppernarsarneqarpoq tapersersoqatingiinneq qanoq pingaaruteqartigisoq.
Akerliliiniaannarani ikioqatingiinneq unammiinnarani kammangiinneq.
Aasiannut angerlaatilikkavut tulluusimaarutingaakka
Kalaallit Nunaanni qimminik kusanarnerpaanik angerlaassilerpungut
Top. 10-llu iluani pokaalit marluk aappaa top,5.,
Aasiammiut qimmit pillungit tusarneqartarnerata siuariarujussuarnera tulluusimaarutingaara
Sunniuteqartutut siuarsaaqataasutullu nuannaarpunga
Pilluaritsilu ”
Avannaata Qimussersuinut peqataasut tamaasa Kommune Qeqertalimmiit pilluaqquagut
Siulliit tallimat
1. Thomas Thygesen, Saattut
2. Henrik Jensen, Ilulissat
3. Ilannguaq Berthelsen, Ilulissat
4. Kaali Lund Mathiassen, Ilulissat
5. Jonas Kristensen, Aasiaat
Assit: KNQK Facebookimi qupperneranit tigusat