Iluatsilluartumik innersuussinerit digitalimik ingerlanneqarput, innersuussisorpassuullutillu.
Komité toqqaasut arfineq-marluupput, timersoqatigiiffiit arfinillit kiisalu Aasianni Najukkami Ataatsimiititaliaq. Toqqaaneq digitalimik ingerlanneqarpoq, komitémiittullu tamarmik peqatigiiffik tunuliaqutartik peqatigalugu nalilersuillutillu toqqaapput.
Aaqqissuussaq 14.00-16.00 ingerlanneqarpoq, timersortarfillu ulikkaangajallugu timersoqatigiiffiit innuttaasullu najuupput.
Innersuussani toqqarneqartunut tunissutaapput:
- Diplom,
- Aksel Brandtimit qiperugaq,
- Nammattagaq “kommune Qeqertalik”, assiinngitsunik imalik
- Timersullammak: 5.000 kr.
- Angajoqqaaq/t tapersersuilluartoq/tut: 3.000 kr.
- Maligassiuisoq: 3.000 kr.
- Piginnaasalik: 3.000 kr.
- Suliniuteqarluartoq: 3.000 kr.
- Sungiusaasutsialak: 3.000 kr.
Timersullammaat
Angajoqqaaq tapersersuilluartoq 2023: Holga Filippussen Olsen
Maligassiusoq 2023: Sandra Brøchner
Piginnaasalik 2023: Kari Siegstad
Suliniuteqarluartoq 2023: Timersoqatigiiffik “Oqilaatsoq”
Sungiusaasutsialak 2023: Søren Olsvig
Timersullammak 18+ 2023: Hans-Jørgen Sandgreen Reimer
Eqqaaniaanerit
Christian-Jørgen “Aaju” Frederiksen:
Holdeqataasa akeqqatik presserilerpata ilaasa qulaatigut tunniuppassuk Aaju akeqqani kisimeeqatigilissuaa, ”angakkuarlunilu” målmand kisinngoruttussanngorlugu. Taktik taanna atorlugu Aaju GM-mi topscorinut ilannguppoq. Sungiusaasua oqarpoq: ”Akeqqagut presserilerpata Aajumut tunniutiinnassuarsi tupinnartuliussooq, aajup arsaq angakkuarumaarpaa”.
Aajup eqqaaneqarnera ataqqinartuuli.
Elias Larsen ”Eliarseeraq”:
Oqaluttuartut ilaasa eqqaasarpaat pileruttornermi nalaanni aasaanerani ilaatigut maninnersiorlutik Qaqqap tunuani arsartarsimallutik sungiusarlutik. Heliporteqalermallu helikopteri tikinnginneranni
sungiusartarsimapput, massakkut ikuallaaviup eqqaaniittumi. Eliarseeqqap nammineerluni oqaluttuunnikuuanga taamanigooq peruttuleramik ullut tamaasa sungiusartarsimagamik, taavagooq peruttuleramik helikopteri tikinnialeraagat pausertarlutik, aallaqqikkaaganngooq sungiusarneq aallarteqqittarluni. Taavagooq taamanikkut uniorpiarneq ajorput, sungiusarlutik unammigaagamik arsaattarfeqannginnamik ikitsisinnguanik måleqartarsimagamik.
Quiasaarluni oqartarpoq ikitsisininngooq måleqartarnikuugamik måålit angisuut uniorneqarsinnaanngillat.
Eliarseeqqat eqqaaneqarnera ataqqinartuuli.
Hans Rafaelsen:
Hansip ineriartortitai amerlasoorpassuit maani illoqarfitsinni takussutissarpassuaqarput:
Soorlu sungiusartariaatsikkut teknik qasujaallisarnerit il.il ataarfimmik aqqusiornikkut, nunakkut arpatsitsinikkut, Aasiaat midnight sun marathonitoqartarneratigut, ilaatingullu nunakkut arpattarfia qasunartoq nuannerluinnartorlu Hans rute pilersinnikuusaisa aamma ilangivaat.
Hans Rafaelsen eqqaaneqarnera ataqqinartuuli.