Tusass aamma Kommune Qeqertalik isumaqatigiissuteqarnermikkut Coding Classimik nutaamik ilinniartitsisinnaasumik peqalerpoq.
2023 naasorlu Kommune Qeqertalimmi ilinniartitsisoq Qeqertarsuarmeersoq Monica Cortzen Lundblad, Qeqertarsuarmi meeqqat atuarfianni ilinniartitsisuusoq, Coding Classimik ilinniartitsisutut imminut taasinnaalerpoq. Taamaalilluni kommunini tallimaasuni siullersaalluni coding classimik ilinniartitsisunngorluni.
Tamanna 2022-mili Tusass Kommune Qeqertalillu suleqatigiinneratigut ineriartortinneqalerpoq. Ukiorlu atuarfiusoq 2023/2024 ilinniartitsisumik ineriartortitsisussamik aalajangiipput. Suleqatigiinnerlu suli ineriartortinneqarnera ingerlaqqippoq, tassa Kommune Qeqertalimmi illoqarfinni Qasigiannguani aamma Kangaatsiami ilinniartitsisoqarnerulernissaa ingerlaqqissaaq.
Coding Classimik ilinniartitsisoqalernissaa atuarfinni ataavartumik ingerlanneqartalernissaa siunertaavoq. Taamaalillutik meeqqat atuarfianni atuartut annerit killeqanngitsumik eqqarsarsinnaaneq aallussinnaalissavaat.
Coding Class tassaavoq kodet atorlugit teknologiimik IT atorlugu nutaaliorluni pilersitsiffiusinnaasoq. Tamannalu killeqanngitsumik eqqarsarsinnaanermut ineriartuutaasinnaavoq. Tamanna 2022-mi Aasianni misilinneqaqqaarpoq. Iluatsilluarmallu ineriartorteqqinneqarluni ilinniartitsisinnaasumik Kommune Qeqertalimmi peqalerpoq. Ukiup matuma ingerlanerani Kommune Qeqertalimmi illoqarfinni allani aamma ingerlaqqissaaq.
