Peter Steenholdt ukiuni 44-ini kommunimi atorfeqareerluni naggataamik 21. december 2023 sulilluni, 1. januar 2024-imiit soraarninngussaaq.
Peter sulisoqarnermut immikkoortortami ukiuni 16-ini qaammatinilu pingasunngulersuni atatiinnarlugu kontorfuldmægtigitut atorfeqarpoq. Piffissamilu tassani Aasiaat Kommuniani, Qaasuitsup Kommuniani kiisalu Kommune Qeqertalimmi sulisimalluni. Kontorfuldmægtigitut atorfeqarsimanermi saniatigut, Peter nutserisutut aamma sulisimavoq.
Sisamanngorneq 21. december 2023 Aasianni kommunip allaffiani sulisitsisuminit, sulisoqarnermut immikkoortortami suleqatiminit, kiisalu piffissap ingerlanerani qanimut suleqatigisarsimasaminit ukiorpassuarni sulisimaneranut qujaffigineqarpoq.
Peter Steenholdt qujassuteqarfiginerani nulia, ilaqutai ikinngutaalu najuupput.
