Ukiut 26-it Qaammaaviup ammaqqaarneraniit ”Ilaqutartiinnut Sullissivik Qaammaavik” nutaanngorlugu Kommune Qeqertaliup ullumikkut decembarip arfineq-aappaanni 2023 ammaanersiorneqarpoq.
Ammaanersiornermi qaaqquneqartut ilagaat Peqqissutsimut Naalakkersuisoq Agathe Fontain. Ajoraluartumik Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq Jess Svane peqataasinnaanani nalunaarnikuuvoq.
Kommune Qeqertalimmi Ilaqutariinnik Sullissivik Qaammaavik nutaaq tassaavoq saaffiginniiffissap ataasiinnaanissaanik nutaaliornikkut pilersinneqartoq. Sullissivimmut katersorneqarput sullissinerit pingaaruteqartut, ilaallutik kingunerluuteqarsimasunik katsorsaaneq, perorsaanermi tarnikkullu suliassat pillugit atuarfinnik suliffeqarfinnillu suleqateqarnerit aamma peqqissartitsinissamik neqeroorutit.
Taamaaliorneq innuttaasunut pisariillisaaneruvoq, tassami maannamiit ataasiinnarmut saaffiginnittoqarsinnaalermat, ilaqutariinnut inunnullu ataasiakkaanut unammillernartunik isumaginninniarneq pisariinnerulersillugu. Qaammaavik aqqutigalugu qulakkeerneqarpoq innuttaasut ataatsimoornerusumik ataqatigiinnerusumillu ikiorneqarnissaat.
Ammaanersiorneq inunnit soqutigineqarluarpoq nuannaarutigineqarlunilu.
Ilaqutariinnut Sullissivik paasisaqarfiginerorusukkaanni una toorneqarsinnaavoq
