1. januar 2024 aallarnerfigalugu Kommunit ataatsimoorlutik suleqatigiinnerat nukittorsarniarlugu Kommunalbestyrelsit isumaqatigiissutigaat.
Isumaqatigiissut nutaaq atorlugu allaffissornikkut sullinneqarneq annertusarneqassaaq, taamaalilluni siumut isigisumik suleqatigiinnermut suliarinnittut tamakkiisumik atorfillit marlunngussallutik. Tamanna siornatigut kommunit ataatsimoorussamik allaffissornikkut sullinneqarneranniit affarmik atorfeqartitsinermiit qaffaaneruvoq.
Kommunit ataatsimoorussamik suleqatigiinnerannut siunertarineqartut aajuku:
- Kommunit ataatsimoorussamik suleqatigiinneranni politikkikkut/allaffissornikkut suleqatigiinnerat ataqatigiissassallugu
- Kommunit ataatsimoorussamik tusarniaanermi akissuteqaataannik aallertarnermut aamma pitsaassutsimik qulakkeerinninneq
- Namminersorlutik Oqartussanut bloktilskudit pillugit isumaqatigiinniarnermi nukittorsaaneq
Kommunit ataatsimoorussamik nutaamik suleqatigiinnissaanni ingerlatsivinnut assigiinngitsunut pisortaasut ataatsimoorfeqalisssapput, matumani makku pillugit
- Borgmesterit isumaqatigiissutaat
- Kommunaldirektørit isumaqatigiissutaat
- Isumaginninnermi- aamma atugariissaarnermi pisortat ataatsimoorfiat
- Aningaasaqarnikkut pisortat ataatsimoorfiat
- Naatsorsuuserisut pisortaasa ataatsimoorfiat
- Atuarfiit pisortaasa ataatsimoorfiat
- Sulisoqarnermut pisortat ataatsimoorfiat
- Teknikkikkut pisortat ataatsimoorfiat
Inussiarnersumik inuulluaqqusilluta Kalaallit Nunaanni borgmesterit
