Ullumikkut 1. november 2023 nuna tamakkerlugu aalisartut saarulliit akiisa appartinneqarnannut KNAPK-miit kaammattorneqarlutik Royal Greenlandimut Polar Raajanullu akerliussutsimik takutitsipput.
Aasianni aalisartut talittarfimmi naapipput, aalisakkanullu tunitsivimmut Polar Raajanut umiatsiaaqqamik uiaatinnginnerminni Kommune Qeqertaliup kaajaluisaanut aamma akerliussutsimik takutitsinertik ersersippaat oqarlutik Kommune aamma aalisartunut tapersersuinerusariaqartoq.
Borgmesterilu tamassumunnga oqaaseqarpoq, aalisartut atugaat paasisinnaavai. Aalisakkat akiinik isumaqatigiinniarnerit kommunalbestyrelse-miit akuliuffigineqarneq ajortut erseqqissarpaa isumaqatigiinniarnerit aalisartut kattuffiisa tunitsiviillu akornanni pisarnerat ataqqisariaqarmat. Taamaakkaluartorli Kommunalbestyrelsip maluginiarsimavaa nunarsuarmi pisut arlallit peqqutigalugit nioqqutissat avataanit eqqussuunneqartut akiisa misinnartumik qaffanneri qanoq isertitakinnerusunut sunniuteqartut, iliuserisinnaasamittullu siunnersuutigigitsik ukiup tullianiit kommunimut skatteerutigineqartartoq %inik marlunnik kommunalbestyrelsip siullermeerlugu oqaaluuserisimagaat neriupporlu neriupporlu novembarip 30-aappassaaneernerani kommunalbestyrelsemi ilaasortanik tamarmiusunik akuersissutigineqarumaartoq. Taamaalilluni kommuni aalisartunut ilaqutaannullu tapersersuinini tassuunakkut aamma takutissinnaammagu.
