Tallimanngorneq 17. November 2023 Ilulissani Fonden for Entreprenørskabip aaqqissugaanik Qupanuk Olsen ‘Q’s Greenland’-imik ilisimaneqartoq peqatigalugu “Arsarnerit Inuusuttai – Young Northern Lights" ingerlanneqarnerani Gammeqarfimmi atuartut ajugaapput. Gammeqarfik sinnerlugu atuartut ajugaasut tassaapput Sikkerninnguaq Lennert Petersen aammalu Ivaana Mølgaard Brandt.
Aaqqissuisut ukioq manna unammersuarnermi ingerlanneqartumi sammisat toqqarneqarsinnaasut assigiinngitsut marluutippaat: Aalasa, Kalaallit Nunaanni timersortartut kattuffiat (GIF) suleqatigalugu. Kiisalu "Oqaatsit kulturilu" Nunani avannarlerni piorsarsimassutsikkut attaveqaat (NAPA) suleqatigalugu.
Ukioq manna nuannaangaarluta inuusuttuaqqat aallarnisaasut aallartitarivagut, taakkua inuiaqatigiinni kusanaqisumi unammilligassatsinnut aaqqiissutissanik Ilulissat timersortarfiani atuartut allat atuarfinniit allaneersut peqatigalugit pitcherput. Atuartut Gammeqarfimmiit aallartitagut ulapinnikuupput aallussineri tunniusimanerilu malinnaaffigalugit tulluusimaarnarlunilu nuannersimaqaaq.
Isummat piujuartitsinermit tunngavilinnit teknologiinut attuumassutilinnut atuartut 8.-10. klassimeersut isumassarsiaraat, taakkualu Kalaallit Nunaanni inuussutissarsiutilinnut pikkorissunut dommeriusunut saqqummiuppaat.
Nutaaliorneq, piujuartitsineq inuusuttullu siunissamut isumaat persuarsiutigineqarluarput.
Ulloq isumassarsiaqarluarnartutut, attaveqaatitaarfissatut inuusuttunillu siunissami Kalaallit Nunaannik ilusilersuisussanik pikkorissunik naapitsiffiulluarsimavoq.
Ajugaasut Gammeqarfik Aasiaat Air Greenlandimiik 50.000,00 kr.-it nalingannut Danmarkimi april 2024 pissartanngorniunnissami atorneqartussanik gavekortinnapput.
Gammeqarfimmi atuartut NAPA-minngaanniit saqqummiussartik pitsaasoq pillugu 15.000,00 kr.-inik aamma akissarsitinneqarput.
Gammeqarfimmiut pilluaqqorujussuarpagut.
Borgmesteri pilluaqqusinermini ima oqaaseqarpoq:
“Tulluusimaaqaagut kommune Qeqertalimmi Aasiannersut Arsarnerit inuusuttaani unammisitsinermi ajugaammata kommunalbestyrelse-lu sinnerlugu nuannaarutigeqalugit pilluaqquakka. Meerartagut meeqqat siunnersuisoqatigiivinut qinersisalernerit kinguneranik malinnaaffigalugit piginnaanerpassuaqartut maluginiartarpagut aammalu sulianik
pimoorussisarnerisa ersarinnerulerneri aamma maluginiarnikuullutigit. Pilluaritsi Inuusuttunut unammeqataasimasut ajugaasutut suarutiginqarnermi tulluusimaarutigeqarput.”