Assiliisoq: Naja Theresia Høegh
Naluneqanngitsutuut kalaallit marluk Prins Christiaap 18-iliineranut qaaqqusaapput. Qaaqqusaasut aapparaat Kommune Qeqertalimmiit Ivalu Lange Grønvold. Tamannalu tulluusimaarutigeqaarput!
Ivalu Danmarkimiit ippassaq nunatsinnut uteqqippoq. Kommune Qeqertalimmiit pinngitsoorusunngilagut qaaqqusaasup aappaa Aasianneersoq Ivalu Lange Grønvold oqaluttuartilaassallugu.
Imatullu ilaatigut oqaluttuarpoq: - Toqqagaavunga qinnuteqarlunga allallunga sooq ilaarusunnerlunga, taavalu imminut ilisaritillunga toqqagaavungalu. Qaaqqusaanera tupigeqaara ilimagisimanngilarami toqqagaassallunga, taamaammat puigunaatseqaara.
Atisai apeqqutigigakkit ima akivoq: - Atisanik toqqaaneq ajuleqqaarpunga. Internettekkut pisiinnarpunga akikittuaranngorlugu.
Unnuk qanoq misigineraa aperiganni nuannisarsimanerarput: - Unnuk naajartormat koncertitsigami nuannisaqagaagut. Uanga kimmikkaakka peerlugit qitilaartarpunga, kisianni qasugama uninnganeruvunga, nuannisaqaagulli!