Aasiaat: Sanaartorfissat atorneqanngitsut
26. septembarip 2023
Matumuuna sanaartorfissat suli atugassiissutigineqanngitsut 17-it Aasianni illoqarfiup immikkoortortaani C03-mi saqqummiunneqarput, sanaartorfissat matuma ataani illoqarfiup tigartagartaani sanaartofissatut 4-21-itut nalunaaqutserneqarsimapput.
Sanaartorfissaq nr. 4 qitiusoqarfittut atorneqarsinnaavoq, aammalu siunertanut ataatsimoorfissanut quleriit marluk tikillugit annerpaamik 10 meterinik portussusilinnut.
Sanaartorfissat nr. 5-12 aamma 14-16 atorneqarsinnaapput imminnut qanittunik pukkittunik inissialiornermut (aamma periarfissaqarluni qitiusoqarfimmi siunertarineqartunut allanut assersuutigalugu suliffeqarfiit mikinerit) quleriit pingasut tikillugit quleriittaqarsinnaasunik 12,5 meterit tikillugit portussuseqarsinnaasunik.
Sanaartorfissaq nr. 17-21 atorneqarsinnaavoq imminnut qanittunik pukkittunik inissialiornermut (aamma periarfissaqarluni qitiusoqarfimmi siunertarineqartunut allanut assersuutigalugu suliffeqarfiit mikinerit) annerpaamik quleriit marlunnik quleriittaqarsinnaasunik 10 meterit tikillugit portussuseqarsinnaasunik.
Sanaartorfissaq 13 qitiusoqarfittut akunnittarfiliornermut, neriniartarfiliornermut, pisiniarfiliornermut assigisaanulluunniit atorneqarsinnaavoq quleriit tallimat angullugit quleriittaqarsinnaasumik 18 meterit tikillugit portunerpaaffeqartumik.
immikkoortortamut atatillugu sanaartorfigissarneqarneranut akiliisarnermut ileqqoreqqusaqarpoq, tassa ima paasillugu sanaartorfissaq akeqassaaq immikkoortortap sanaartorfigissarnissaanut.
Immikkoortortap sanaartorfigissarnissaa immikkoortunut pingasunut immikkoortinneqarsimavoq, immikkoortoq siulleq sanaartorfigissarneqareersimalluni.
Immikkoortup 1-p imarai sanaartorfissat 1-4
Immikkoortup 2-p imarai sanaartorfissat 5-12
Immikkoortup 3-p imarai sanaartorfissat 13-21
Ilisimatitsissutigineqassaaq naatsorsuutigineqarmat immikkoortoq 2-mi 3-milu kommunimiit sanaartorfigissarneqarnissaa siusinnerpaamik 2025-imi aamma 2026-imi aallartinneqarumaartut.
Sanaartorfissat suli atugassiissutigineqanngitsut NunaGIS aqqutigalugu qinnuteqarfigisinnaavatit. Inuk suliffeqarfilluunniit ataasiinnarmik qinnuteqarsinnaavoq ataasiinnaasutut saqqummeqqaguni inatsiseqarnikkullu attuumassuteqartuni ataasiinnaasutut pisinnaassuseqaruni. Qinnuteqaatit tamarmik nalilerneqarumaarput atortussat nassiunneqartut aallaavigalugit. Sanaartorfissamut ataatsimut piukkunnassutsimikkut naligiittunik qinnuteqaateqartoqarsimappat kommunimi makitsisoqarumaarpoq.
Kommunip pilersaarutaata tapia taavalu sanaartorfigissarneqarneranut akiliisarnermut ileqqoreqqusaq, kommunip nittartagaani takuneqarsinnaavoq.
Qinnuteqaatit tamarmik makkuninnga imaqassapput:
1. Sanaartugassap inissisimaffissaanik ilusissamut siunnersuut, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut atortulersuutit pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.
Piffissamut sanaartornissamullu pilersaarutit:
26.09.2023: Ullormit tassannga sanaartorfissat sanaartorfigiumallugit qinnutigineqarsinnaapput.
07.11.2023: nal. 16:00 sanaartorfissanik qinnuteqaatinik tigooqqaanerup immikkoortua siulleq matussaaq.
Tamatuma kingorna sanaartorfissanik qaqugukkulluunniit qinnuteqartoqarsinnaavoq, sanaartorfissaq suli atugassiissutigineqarsimanngippat.
08.11.2023: nal.09:30 qinnuteqaatit ammarneqassapput. Ammaaneq ilaavigineqarsinnaavoq Aasiaanni ataatsimiittarfissuarmi.
Ilitsersuut
Siunnersuutit ilitsersuutillu piniarneqarsinnaapput Pilersaarusiornermut immikkoortortaqarfimmut saaffiginnilluni, oqarasuaat: (+299 70 19 00 imaluunniit mailimut: plan@qeqertalik.gl.
