Suliniut Erasmus + nunani tamalaani arfiliniusuni Svendborgimi inuusuttut paarlaasseqatigiinnerat septemberimi ulluni tallimani ingerlanneqarpoq.
Ukioq mannalu suliniutip pingaarnertut qulequtaritinneqarpoq: Inuusuttunik tamalaanit akuutitsineq.
Kommune Qeqertalimmit inuusuttullu uku peqataapput: Qasigiannguaniit Ivaaq Olsen Leander, Niaqornaarsummiit Niels Jeremiassen Larsen aamma Gedion Wille, Aasianniit peqataapput: Malu Rafaelsen, Natuk L. Brandt, Lars Peter Lange, Sandy Svendsen kiisalu Aila Petersen Geisler.
Nunani tamalaani ukuusuni Norge, Sverige, Tyskland, Finland, Danmark kiisalu Kalaallit Nunaat. Nunat tamalaat Inuusuttut katillutik 50-t missaani peqataaffigivaat. Ulluni tallimani suliniut ingerlanneqarnerani attaveqatigiinnernilu oqaatsit tuluttut atorneqarput, inuusuttullu peqataasut oqaatsitigut annerusumik unammillernarsinnaasaraluartoq suliniummut peqataanertik naammassivaat.
Inuusuttut peqataasut pissarsiaat
Suliniummut peqataanerup kingunerisaanik peqataasut oqaatsitigut piginnaasanik imminut tatiginerulernermik ineriartortitsipput, tuluttut oqaatsitigut piginnaasaminnut peqataasut ilaannit tupaallaatilimmik pitsaasumik sunniuteqarput. Peqataasut ilaannit inuttut oqaatsitigullu piginnaasatigut killiffiit immikkut assigiinngitsutigut pitsaasumik ineriartortinneqarput.
