Kommunalbestyrelsip kommunimut pilersaarutip tapia Nr. 9 ”Wille Brandtsvejimi qitiusoqarfik” atuutilertussatut aalajangiuppaa ulloq 29. juni 2023.
Kommunimut pilersaarutip tapiata siunertaa
Kommunimut pilersaarutip tapiata pingaarnertut siunertaa tassaavoq siunertat ataatsimoorussat aamma tamat atorsinnaasaannik nutaanik sanaartornissanik periarfissiuussinissaq kiisalu immikkoortortap killeqarfianik nalimmassaanissaq. Immikkoortut marluk nutaat pingaarnertut aamma immikkuualuttunut aalajangersagartallit immikkoortinneqassapput, taakkunani sanaartukkat quleriinnik marlunnik (2) aamma pingasunik (3) quleriillit sanaartorneqarnissaat periarfissinneqassaaq, taamaattorli sanaartorfik 13-imi qitiusoqarfimmi siunertamut atugassamik quleriit tallimat (5) angullugit sanasoqarsinnaassaaq.
Sanaartorfissat aamma immikkoortortat sanaartorfissat arlallit normulersukkat immikkoortinneqarput, taakkunani inissianik nutaanik pukkitsunik imminnut qanittunik aamma inissianik quleriinnik sanaartortoqarsinnaassalluni kiisalu pisiniarfinnik, inuussutissarsiutinik kiffartuussisunik, paaqqinnittarfinnik assigisaannillu sanaartortoqarsinnaassaaq.
Inatsisinut tunngasut
Kommunimut pilersaarutip inaarutaasumik akuerineqarnera tamanut nalunaarutigineqareerpat kommunimut pilersaarummut imaluunniit kommunimut pilersaarutip tapianut aalajangiunneqartumut inatsisitigut piviusumilluunniit pissutsinut akerliusumik pilersitsisoqassanngilaq, Pilersaarusiornermut inatsimmi § 30 innersuussutigalugu.
Akerliliissuteqarnissamut ilitsersuut
Kommunalbestyrelsip aalajangernera akerlilerniaraanni akerliliineq Naalakkersuisunut nassiunneqassaaq, uunga: Naalakkersuisut, Aningaasaqarnermut Akileraartarnermullu Naalakkersuisoqarfik; Nuna tamakkerlugu pilersaarusiortarfik; Postboks 1037, 3900 Nuuk. Uuma saqqummiunneqarneraniit akerliliissut kingusinnerpaamik sapaatit akunneri arfineq-pingasut (8) qaangiutsinnagit nassiunneqareersimassaaq.
Siunnersuut kommunip nittartagaani uani takuneqarsinnaavoq https://qeqertalik.gl/
Akuerisaq KPT 09 aamma akiliinissamut malittarisassat 1000-C03-mut