Naliuttorsiortiginninneq aallartimmat meeqqerivimmiittut
Meeqqerivik Kullup oqaluttuassartaa:
Meeqqeriviup ilisaritinneqarnera:
Meeqqerivik ”Kulloq” Kommune Qeqertalik Aasiaat meeqqeriviutigivaa. Meeraaqqeriviit meeqqeriviillu allat atuarfillu qanimut suleqatigalugit Meeqqerivik „Kulloq“ 1958-mi Julip 7-ani atulerpoq, atuleqqaarami Redbarnet-mit ateqarsimalluni, aammalu Redbarnet-mit ingerlanneqarsimalluni.
1972-milu Aasiaat Kommune-ata meeqqeriviutigilerlugu, taamanikkullu børnehaven-iinnarmik taaneqartarluni. Kingornagut 1970-kkut naajartornerani 1980-kkut aallartinnerani Meeqqerivik
„Kulloq“-mik ateqartinneqalerluni meeqqanullu 3 – 6-nut ukiulinnut 70-nut inissaqartitsilluni, 386,1 m2-imik illu quitaalu angissuseqarput.
Silami sammisaqartut.
Ulluni tulliuttuni pilersaarutit
Pingasunngorneq juulip ulluisa 19-ianni utoqqaat timersoqatinngiiffimmeersut kammagut Oqilaatsoq, ukiuni 12-nngortuni pisoqatigisartakkagut, arlaatigullu ikioqatigisartakkangut nerinermi qaaqquagut najoqqaaqatigalugillu.
Sisamanngorneq juulip ulluisa 20-anni atuisut (meeqqat angajoqqaavi ilaqutaallu) grill-ereqatigissuagut ualikkut, grill‘eriffiusinnaanngippat buffet‘ertoqaannarumaarpoq.
Tallimanngorpat meeqqerimmioqatit meeraaqqerivimmiullu, atuarfiup eqaarsaartarfiani ullaakkut nal. 9.00-imiit sammisaqaqatigissuagut, kingorna Meeqqerivik ”Kulloq”-mut neriartorumaarluta, pisussaq 13:00 tungaanut ingerlajumaarpoq.
