Aasianni timersuut nutaaq
Ippassaq sisamanngornermi juulip ulluisa 13-ianni Aasianni Disc Golfbane atoqqaartinneqarpoq.
Disc Golf nunarsuaq tamakkerlugu timersuutitut nutaanerpaatut oqaatigineqarsinnaavoq.
Atoqqaarfissiortitsinermi peqataasunut ilaapput Disc Golfbanep suliarineqarnerani tapersersuisimasut sanasut, Aasiaat VVS, Kommunemi atorfillit, suliuniummut siuttuusoq Philip Jensen, Danmarkimi Disc Golferluni Danmarkimi pissartaasarsimasut marluk, minnerunngitsumillu nukappiaqqat arlallit misilereerusoqisut.
Taamaassagamimi oqalugiarnerit pereermata misileraaneq aallartiliinnartoq sakkortulaakasimmik anorlilerpoq frisbeemillu nalussilluni eqqoriaanermut sunniuteqangaangaatsiarluni.
Ilaqutariilluni imaluunniit kammalaatigiilluni pinnguariuminartuuvoq aamma malittarisassai ajornanngitsunnguugamik.
1. Pinnguarneq aallartittarpoq pinnguaqataasoq aallartiffimmiit (tee-sted) frisbee milioriukkaangagu.
2. Tamarmik siullermeerlutik miloriussereerpata, taava koorimiit ungasinnerpaamut frisbeea tussimasoq milioriussissaaq.
3. Miloriusseqqereernermi frisbeep tuffianiit miloriussineq pisalerpoq.
4. Pinnguarneq naammassisarpoq frisbee koorimut ikigaangat. Koorimut ikisinissap tungaanut qassinilluunniit milioriussisoqarsinnaavoq.
5. Pinnguarluarnissarnik kissaappatsigit.
App’imut uunga iserluni inernerit ikkussuunneqarsinnaapput. Asseq takuuk Koorimut ikinissaata tungaanut Ikinnerpaanik miloriussisimasoq ajugaasarpoq.
