Kommunalbestyrelsemi Nunaqarfinnilu aqutsisunut ilaasortat aningaasanut isumasioqatigiinnermi peqataasut.
Ukioq manna Kommune Qeqertalik missingersuutinut isumasioqatigiimmat tikeraat saqqummiisinneqartut marluupput. Tassallutik Transperancy International Greenland aamma A/S INI.
Ullormi siullermi marlunngorneq juunip ulluisa 27-anni, Transparency International Greenland saqqummiussisuuvoq. Saqqummiussiffigineqarput kommunalbestyrelsemi nunaqarfinnilu
aqutsisunut ilaasortat. Saqqummiisuupput: Siulersuisuni ilaasortaq Melissa Zeeb aamma Allattoqarfimmi aqutsisoq Bodil Karlshøj.
Bychefit
Tranperancy International Greenlandip suliniutigaa inuiaqatigiinni kalaallini peqquserluttuliortarnerup pinaveersaartinnissaa aammalu peqquserluttuliornerup sunniutipilugisinnaasaasa suunerisa paasisitsiniutiginissaat. Saqqummiussat tungavigalugit isumasioqatigiittunik ileqqorlunneq aamma pissaaneqarnerup atorneqanginnissai pillugit oqallittoqarluni.
Ullup aappaassaani pingasunngornermi, tassa juunip ulluisa 28-anni 2023, A/S INI-p qullersaqarfianiit Kommune Qeqertalik pulaarteqarpoq. Saqqummiisuupput: Avannaata Kommuniata aamma Kommune Qeqertaliullu immikkortortaqarfiani teknikereq Klaus Poulsen aamma Teknisk Direktør Michael Renner Petersen.
Taakkua inissiat illullu Kommune Qeqertaliup pigisai allaffissornikkut A/S INI-miit kiffartuunneqartut aningaasatigut qanoq inissisimanersut, kiisalu inimik attartornermi akinik qaffaasimanerup aserfallatsaaliinermi suliniutini pitsangoriaatai pillugit, kiisalu aamma qanoq tulleriiaarisoqartarnersoq saqqummiuppaat.
A/S INI-mit saqqummiisut Klaus Poulsen aamma Michael Renner Petersen
Taamaalilluni nutarsaanernut aaqqitassanullu aningaasat toqqorterneqartartut amerlineri pitsaasumik sunniuteqarsimaneri erseqqissarneqarput. Tamannalu A/S INI-p nittartagaatigut saqqumilaartinniarlugu neriorsuutigaat.
Kommune Qeqertaliup illuutai kiffartuussinermi isumaqatigiissutip kommunalbestyrelsimik akuerineqarsimasup iluani A/S INI-mik allaffissornikkut aserfallatsaaliinikkullu nakkutigineqarlutik
ingerlanneqarput.
Aningaasanut missingersuummut isumasioqatigiinnermut peqataasut
Aningaasanut missingersuummut ataatsimeeqataasut Kommunalbestyrelsimi Nunaqarfinnilu Aqutsisunut ilaasortat soorunami aamma aappaagumut sanaartugassanut, inunnik
isumaginninnermut atugassanik allarpassuarnillu takorluukkaminnik gruppikkaarlutik eqqartukkaminnik tulleriiarinissamilu pingaartitaminnik saqqummiussipput.
Borgmester Ane Hansenip naggasiilluni oqaaseqarnermini takorloorneqartut/piumasarineqartut assigiiaarneri maluginiarsimallugu oqaatigaa. Misigersuutillu katiternissaanut
isumaqatigiinniarnerillu aallartinnissaannut oqariartuutigineqartut tungavissiilluartut.
Gruppekkaartut
Gruppekkaartut