PISORTATIGOORTUMIK TUNINIAANEQ:
B-782, ”Qaqqami illuaqqat”
Kommune Qeqertaliup matumuuna B-782, Uunarsuup qaqqaaniittut illuaqqat pisortatigoortumik tuniniarpai, 01. august 2023 imaluunniit isumaqatigiissuteqarnikkut tiguneqartussanngorlugit.
Illuaqqat pineqartut takornariaqarnermut tunngassuteqartunut atorneqartarnikuupput.
Pisinissamut soqutiginnissinnaasut akiliutissaminnik neqeroortigatik siunnersorteqarnissaat
kaammattuutigineqarpoq.
Takuniaaneq pisinnaavoq Kommune Qeqertalik Qeqertarsuaq, 54 14 02 isumaqatigiissuteqarfigalugu.
Illumik tuniniaanermi kommuni Qeqertalimmut neqeroorummik tunniussinermi atugassarititaasut:
• Illu taamatut isikkoqartillugu tuniniarneqassaaq.
• Tuniniaasoq tunisinermut atatillugu akisussaaffimmik tigusissanngilaq.
• Pisisup illup qanoq ittuussusaanut/amigaateqarneranut atatillugu naammagittaalliorsinnaanini
annaassavai.
• Neqeroornermut atatillugu qaqugu tigusinissaq ilanngullugu allassavaa aamma ulloq taannaassaaq
una tikitsinnagu 15. juli 2023.
• Ulloq atuilerfissamit -/tigusinissamit illu sutigut tamatigut pisisup akisussaaffigaa.
• Tamatuma saniatigut illu pisisup nammineerluinnarluni qanorluunnit atorsinnaavaa, taamaallaat
sumiiffimmut najukkami pilersaarummut aalajangersakkat kiisalu allatigut inatsisit killiliisoralugit.
• Tuniniaanermut atatillugu aningaasartuutit tamarmik pisisumit akilerneqassapput, matumani
piginnittuunermut atatillugu nalunaarutiginninnermut akitsuut ilanngullugu.
• neqeroorut minnerpaamik qaammatini pingasuni pituttuisuuvoq kiisalu piumasaqaatitaqarani
Neqeroorummik tunniussinermi taamaallaat makku imarineqassapput:
• Danskit kooruninngorlugit ataatsikkut akiliutissat nalunaarutigalugit
• Ulloq tigusivissaq allallugu.
• Neqeroorusiortitsisarnermut nalunaarummi atugassarititaasut tamaasa akuersissuteqarneq pillugu
uppernarsaaneq.
• Pisisup aqqa aamma najugaa allallugu, matumani CVR. NR. Ilanngullugu peqarpat
Allakkatigut neqeroorut qulaani taaneqartumut kiisalu aqqanut, najugaanut aamma oqarasuaataata
normuanut / e-mail-ianut naapertuuttut kingusinnerpaamik ulloq 15-07-2023 tigoreerneqarsimassapput:
Kommune Qeqertalik
Holten Møllerip Aqq. 3D
3953 Qeqertarsuaq
Ilisarnaat “B782 Qaqqami illuaqqat”
Mail: qeqertarsuaq@qeqertalik.gl
Ullut tallimat tuniniaasup akuersereerneratigut akiliutissap annertussusaa ilineqassaaq imaluunniit
qularnaveeqquserneqassaaq.
Illu tunineqassaaq piumasaqaatit naapertorlugit akisunerpaamik neqerooruteqartumut.
Kommune Qeqertalik imminut pisinnaatippoq neqeroorutit takkussuuttut tamakkiisumik imaluunniit
ilaannakortumik tunuartissinnaallugit.
Kommune Qeqertalik imminut pisinnaatippoq neqeroorusiorneq utertissinnaallugu, matumani
akisussaasuunani neqeroorusiortitsineq aallaqqaataaneersinnaallugu arlaannaatigulluunniit pituttugaanani.
Neqeroorutit piumasaqaatinik naammassinninngitsut tiguneqassanngillat.
Inussiarnersumik inuulluaqqusilluta
Inoqarfik Qeqertarsuaq
