Meeqqat Ulluat 2023 – Gammeqarfimmi Kommunillu allaffissuata silataani
Juunip aallaqqaataa tassa meeqqat Ulluat.
Kommune Qeqartalimmi meeqqat atuarfianni Gammeqarfimmi atuartut sammisassaqartinneqarput. Siullermilli atuarfiup pisortaa Ajaaja Rosing tikilluaqqusilluni pilluaqqusivoq. Ajaajap meeqqat nuannaarnermik tunniussiuartuummata sila qanoq ikkaluaarangalluunniit nuannaarneq meeqqanit tunniunneqarpoq.
Ajaaja tikilluaqqusilluni pilluaqqusereermat kommunalbestyrelsimiit Marianne S. Larsen aamma atuartunut pilluaqqusivoq. Ilaatigut ima oqarpoq: ”Meerannguanik kiserliortroqannginnissaa kammagiinnikkut tamatta angusinnavaarput, meeraqatersi qanoq ikkaluarpalluunniit kammagalugu pinnguaqatigisaruk, aneeqatigisaruk, taamaaliornikkut kammaalluartuussuutit.”
Atuartut oqalugiarfigitilaareeramik trinnikkaallutik avissaartuupput. Trin 1 eqaarsaatafimmut ataasimooriarput. Taakkulu malinnaavigaagut.
Illoqarfimmi meeqqeriviit kommunip allaffiata silataani aamma Kommunalbestyrelsimi ilaasortamit Niels Kristensenimit oqalugiarfigineqarput.
