Inuusuttut sungiusaasut siulliit Kommune Qeqertalik peqatigiiffiillu suleqatigiillutik ilinniartitaat pilluaritsi. Neriuppugut qanittumi Aasianni peqatigiiffimminni sungiusaasut takusalissallutigit. Pikkorissaanermi najoqqutarineqartoq kommunimi illoqarfinni allanut ingerlateqqinneqassaaq.
Marianne S. Larsen Kommune Qeqertalimmi kommunalbestyrelsemi ilaasortaq, Ataatsimiititaliamilu Timi Tarnilu-mi siulittaasoq ilaatigut ima oqarpoq: - Timersornikkut sungiusaasut, aamma qanoq ilisukkulluunniit amigaataalersarput. Sungiusaasut pigineqareersut arlaannik peqqutilimik pisinnaajunnaaraangata, allat tullinnguullutik sungiusaanermik ingerlatsisinnaasut pisariaqalernerminni atorfissaqalersartut amigaataajuaannarmata ullumikkut angusassinni nalussanngilarsi atorfissaqartinneqalereersimanngikkussi atorfissaqartinneqarumaarnissarsi ilimagissagissi.
Imatullu naggasiivoq: - Taamatut oqareerlunga inuusuttut sungiusaasutut naammassisut tamassi Kommune Qeqertalik sinnerlugu pilluaritsi, suniussamilu sulilluarnissassinnik kissaappassi. Taama oqarpoq Kommune Qeqertalimmi ataatsimiititaliami Timi Tarnimilu siulittaasoq Marianne S. Larsen.
Timersoqatigiiffiit pikkorissaaqataasut ABK, tassa Aasianni Badmintonertartut klubbiat, ASP, Aasianni Sisorartartut peqatigiiffiat kiisalu T-41 arsartartut.
ABK-miit: - pikkorissaassutigineqartut ilagaat: Ajoqusernaveersaarnissaq, nukittorsertarneq, qasuersertarneq. Ataqqeqatigiinneq, meeqqat pisinnaatitaaffii, timikkut tarnikkullu annersaaneq inerteqqutaasoq. Pilersaarusiorneq, suiaassutsikkullu ataqqeqatigiinneq. Taakkua Aasianni Badmintornertartut klubbianniit inuusuttunut sungiusaasunngornianut pikkorissaaassutigalugillu erseqqissaassutigineqarput.
Arne Reimer Sandgreen T-41 arsartartuniit ilaatigut ima oqaluttuarpoq: - Eqqarsartaatsikkut sungiusarnermi assigiinngitsorpassuit taaneqarsinnaapput, soorlu: Unammiannginnermi qaammataannanngortillugu anguniakkat, unammiannginnermi ullut 14-iinnanngortillugit anguniakkat, unammilivinnginnermi eqqarsartaaseq.
Ajoraluartumik ASP-miit. Aasianni Sisorartartuniit pikkorissaaqataasimasoq allamik pisassaqarluni allagartamik tunioraanermi peqataanngitsoorpoq.
Pikkorissaqataasut:
