Aasiaat ilisimaneqaataasa ilagaat aasakkut aasarisseruttornerani Aasiaat Midnight Sun Marathon
ingerlanneqartarluni. Ukioq mannalu aamma tamanna juunip 23-anni ingerlanneqarpoq. Aaqqissuussap
ateqaataa eqqorluarlugu Aasiaat aasarpalaarluni seqinnarisseruttortoq inuit peqataaffigilluagaannik
arpatsitsineq ingerlanneqarpoq.
Peqataasut aasiammiuinnaanngillat
Aaqqissuussami akisussaasuusoq Paneeraq Sandgreen qanoq peqataaffigineqartiginersoq ima akivoq:
- Peqataasut 250 sinneqarput. 4.2km normulerneqarneq ajoramik taamaattoq ujammit
qinnutinginikuusagut 200-t nungupput. Taakkualu saniatigut ekstranik 50-sit tungaanut 10 km-erimiik 42km
nalunaartut tunniussaqarluta.
Avataaniit peqataasoqartoq malunnarpoq ilaatingut Ilulissaniik, Qeqertarsuarmiik aammalu Amerikamiik.
Aappaagu ukiut 30-t aaqqissuussaq nalliuttorsiussaaq
Aasiaat Midnight Sun Marathon 1994-mi aallartissimavoq, imaappoq aappaagu 2024-mi ukiuni 30-ni
nalliuttorsiussooq.
Piviusunngortitseqataasut
Marathon komitemiik kajumissutsiminnik aaqqissueqataasut akissaq pinngikkaluarlugu qutsavingaagut
aammalu aningaasaliisartugut taakkuupput aamma piviusunngortitseqataasut.
Taama oqaluttuarpoq Paneeraq Sandgreen
Assiliisuupput: Ane J. Siegstad og Paneeraq Sandgreen