Tusarniaaneq
KOMMUNIMUT PILERSAARUTIP TAPIATUT SIUNNERSUUT Nr.10 IMMIKKOORTOQ 1000-C12, Aasiaat
Kommunimut pilersaarutip tapia nr.10-mut siunnersuut, "Sammiarneq", Aasiaat
Kommunalbestyrelsip kommunimut pilersaarutip tapiatut siunnersuut Nr.10 Immikkoortoq 1000-C12 ”Sammiarneq” tamanut tusarniutigineqassasoq ulloq 27. april 2023 aalajangerpaa.
Kommunimut pilersaarutip tapiata siunertaa
Kommunimut pilersaarutip taliata uuma, illuutit pioreersut allilernissaat kiisalu sunngiffimmi immik-koortumik kiisalu aqquserngup ingerlaarfianik nutaamik pilersitsinissat periarfississavai. Illuutinik pioreersunik alliliinernut ilaapput illut tulliuttut; B-41 (pingaarnertut illu) aamma B-872 (pingaarnertut illup ilaa).
Kommunimut pilersaarutip tapiatut siunnersuut nr.10 piffissami uani tamanut tusarniutitut saqqummiunneqarpoq: 05.10.2022-miit 30.11.2022-mut.
Kommunimut pilersaarutip tapiatut siunnersuut sapaatip-akunnerini arfinilinni 8 tusarniutaavoq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il.. – akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Illit tusarniutitut akissutit kommunimut maikkut uunga plan@qeqertalik.gl. tunniussinnaavat. Akissutit najukkarni Sullissivimmut aamma tunniussinnaavat imaluunniit kommunimut nassiussinnaavat.
Tamanut saqqummisitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 26.06.2023.
Siunnersuut kommunip uani linkimi takuneqarsinnaavoq. (PDF)