Kalaallit Nunaanni inuusuttut najukkami aaqqissuussamut aqutsinissamut taperneqarnissamut periarfisaqarput
Kalaallit Nunaanni inuusuttunut suliniaqatigiiffiit (aamma Danmarkimi) EU aqqutigalugu najukkami kiisalu nunat tamaalaat akornanni suliniutinut aningaasanik taperneqarnissamut qinnuteqarnissamut periarfissaqarput. Aajuku periarfissat ilaat marluk:
Susoqarsinnaava?
18-niit 30-nut ukiullit eqimattani tallimat imaluunniit amerlanerusut Nammaqatigiinnissamut suliniuteqarsinnaapput (Solidaritetsprojekt) Europæisk Solidaritetskorps aqqutigalugu, taanna najukkami inuiaqatigiinnut pitsaasumik sunniuteqarnissamik siunertaqarpoq. Aamma suliniaqatigiiffik inuusuttut sinnerlugit qinnuteqarsinnaavoq.
Aningaasaqarneq
Suliniutinut qaammatinit marlunniit aqqaneq marlunnut sivisussuseqarsinnaasut aningaasartuutaat qaammammut 4.450 kr. missaannik matussuserneqarsinnaapput. Aammattaaq sungiusaasumik (coach) tapersersorteqarnissamut qinnuteqarnissaq periarfissaavoq.
Suliniummi sammineqartoq
Suliniut nammaqatigiinnermik immikkut sammisaqassaaq aamma soorlu assersuutigalugu silap pissusaanut, ilanngutsitaanermut, navianartorsiorfimmiittunut akuutitsinerit, tamat oqartussaaqataaneranut ilisimasaqarnissamut, peqqinnissamut, ataatsimoornermut allarpassuarnullu tunngassuteqarsinnaapput. Suliniutip sammivissaa aamma suliassat nammineq toqqarneqarsinnaapput.
Sumut qinnuteqartoqarsinnaava?
Danmarkimi Ilinniartitaanermut- aamma Ilisimatusarnermut ministereqarfimmut(Uddannelses-og Forskningsministeriet) Qarasaasiakkut immersugassaq atorlugu qinnuteqartoqartarpoq uani.
Inuusuttut Kalaallit Nunaanneersut Europa-mi namminneq kajumissutsiminnik suliartortut angalanermut taperneqarsinnaapput
Susoqarsinnaava?
Europa-mi inuusuttut kajummissutsiminnik sulerusuttut 18-niit 30-nut ukiullit taperneqarsinnaapput – aamma ilaatigut najukkani. Pisariaqartitsisunut pitsaasumik ikiuunnissamut periarfissaalissaaq, nunani allamiilaarnissamut kiisalu nutaanik ilikkagaqarnissaq ilanngullugu.
Tapersiissut qanoq ittoq aamma suut ikiuutit pissarsiassaappat?
- ILassummik sillimmaserneqarneq
- Ikiuutissatut sullissinerit arlallit pineqarsinnaapput, assersuutigalugu oqaatsitigut ikiuutit aamma pikkorissarnerit
- Tunngaviusumik aningaasartuutit matussuserneqassapput (suliniummut siumut utimullu angalanerit aamma nerisaqarneq ineqarnerlu)
- Aamma inuttut aningaasartuutinut annikinnerusumik kaasarfimmiut tunniunneqassapput
Kisimiilluni imaluunnit suleqatigiilluni?
Kisimiilluni kajumissutsimik sulinissaq imaluunniit suleqatigiinni sulinissaq toqqarneqarsinnaavoq.
Kisimiilluni kajumissutsimik sulineq qaammatit marlunniit qaammatit aqqaneq marlunnut sivisussuseqarsinnaavoq, tamakkiisuulluni suliniaqatigiiffimmilu ulluinnarni sulinermut peqataanissamut periarfissiilluni. Suliniaqatigiiffiit marluk akuutinneqartussaapput: nammineq nunagisamiit tapersersuilluni suliniaqatigiiffik aamma nunami suliffiusumi suliniaqatigiiffik.
Suleqatigiinni kajumissutsimik sulineq qaammatit marlunniit qaammatit aqqaneq marlunnut sivisussuseqarsinnaavoq tamakkiisumik sulinerulluni kiisalu minnerpaamik nunanit assigiinngitsuniit marlunniit inunnik peqateqarluni kajumissutsimik sulinerussalluni.
Sumut qinnuteqartoqartarpa?
Nammaqatigiilluni suliniaqatigiiffimmut nalunaarsinnaavutit uani.
Periarfissaq pillugu uani annertunerusumik atuarit.