Tallimanngorneq apriilip ulluisa 14-ianni Kommune Qeqertalimmi borgmester Ane Hansen aamma A.S.I.P-ip siulittaasua Nuunu Johansen naapeqatigiipput. Naapeqatigiinnermi A.S.I.P-mi ilaasortat sulinerminni atugarisaat pillugit suleqatigiinnerunissaq siunertaavoq.
Pitsanngorsarneqartussatut oqaloqatigiissutigineqartut arlaqarput
A.S.I.P siulittaasuanik maanna ilaasortat PBS aqqutigalugulu akilersuisalernerup ajornartorsiutaasartut pillugit saqqummiussaqarpoq pisariinnerusumillu akilersueriasissamik eqqarsaqatigiissinnaaneq kissaatigalugu. Tamannalu pillugu oqinnerusumik aaqqiissuteqarnissaq anguniarlugu eqqarsaqatigiinnisaq kissaatigineqarluni. Kattuffimmik ilaasortaaffeqarnerup iluaqutissartai isumassorneqarnermut tunngasut aamma ilisimaneqarnerulernissaat ersarissarneqartuassasut ilangullugu soqutigineqarpoq.
Suliffigissaanermi inatsit inuit pisinnaatitaaffii pillugit ersarinnerulernikuummat tamanik eqqummaariffigineqarnissa oqaloqatigiissutigineqarpoq. Tamannalu paasisitsiniutigissallugu piukkunnarpoq. Suliffigissaanermi sulisartunut atugassarisitaasut pitsangorsartuarnissaat eqqumaffigineqassasoq ilangullugu oqaluuserineqarluni.
A.S.I.P-mit suleqatigiinnissaq, suliffigissaaneq, aaqqiivigisassat suleqatigiinnermik ingerlakkusuppaat.
Taamatut naapeqatigiinneq illuatungeriinnit iluarisimaarneqarpoq tullianilu naapeqatigiinnissamut Kommune Qeqertalimmi borgmester Ane Hansen qaaqqusisuussaasoq isumaqatigiissutigineqarpoq.