ASP meeqqat pointeqarnerpaallutik pokalinnapput
Ujakkaarnermik nuna tamakkerlugu pissartanngorniunneq Nuummi naammasseqqammerpoq. ASP angusarissaaqarluni ujaminnattaarpassuarnik angerlaassipput. ASP meeqqat tamarluinnarmik ujamminnapput. Meeqqat peeqataasut 16-it, innarluutillit sisamat ilanngullugit. Tassa imaappoq; ujammit katillugit 28-t, imatullu agguataarsimapput: Guldit qulit, sølvit isikkaneq marluk bronzelluarfinillit.
Meeqqat pointeqarnepaallutik pokalinnapput
Unammisaqattaarnermi pointinnannerpaallutik ASP meerartaat ukiup holdinngortinneqarlutik pokalinnatsinneqarput.
Angalanermi meeqqanik nakkutiginnittut ilaat Arnaaraq Sandgreen aperigakku taama angusarissaartigisut nakkutigisaralugit qanoq misigisimanarnersoq ima akivoq: - Nuanneq, tulluusimaaqaat. Pikkoreqaat! Taama naatsumik Arnaaraq nuannaaqisoq akivoq.
Hans Rafaelsen eqqaaniarlugu
Soorlu februaarip aappaani Hans Rafaelsen toqukkut qimaguttoq nittartakkatsinni allaaserineqarnikuusoq. Hansip toqunissani qanillisoq nalujunnaaramiuk Aasianni ASP-mut ilaasortaasimasut inersimasut kissaateqarfigisimavai ujakkaarnermik nuna tamakkerlugu unammersuartoqalerpat illoqarfimmut allamulluunniit nussimallutik allani klubeqaleraluarsimagunilluunniit ASP tunuliaqutaralugu unammersuartunut peqataarusunnginnersut. Tamannalu immikkut akuerineqarnikkut pisinnaalersimavoq. Taamaalillutik ujakkaarnermi unamminersuaqataasut sungiusaasorisimasartik, tapersersortertik unammeqatigisarsimasartillu ataqqiniarlugu unammersuaqataapput. ASP tunuliaqutaralugu inersimasut unammersuartunut peqataasimapput 24-t, taamaalillutik inersimasut pointinnannerpaat tulliullutik inissillutik.
Assiliisut: Arnaaraq Sandgreen, Larsine Brandt, Ulloriaq Olsen
