Avannaata Kommunia ikiorneqarnissaanik borgmesteri Ane Hansen ESANI-p siulersuisuinut piumasaqarpoq.
Avannaata Kommuniani borgmesteri, Palle Jeremiassen, Kommune Qeqertaliup borgmesterianut Ane Hansenimut ESANI-mut kiffartuunneqarsinnaanermullu periarfissanut tunngasunik ikiortissarsiorpoq.
Kommune Qeqertalip Borgmesteria Ane Hansen tamanna pillugu ESANI A/S-ip siulersuisuinut saaffiginnissuteqarpoq kiffartuussinermi isumaqatigiissusiornikkut Avannaata Kommunia kiffartuunneqarnissaanik siunnersuuteqarluni naak Avannaata kommunia piginnittutut inissisimanngikkaluarlutik eqqagassalerinermi pisussaaffimminnik naammassinnissinnaaniassammata. Oqaluuserisassaq ESANI A/S-ip siulersuisut tallimanngorneq ulloq 3. marts 2023 ataatsimiineranni eqqartorneqassaaq.
Ane Hansen oqarpoq: ”Ikiuunnissamut periarfissaqartilluta ikiuussinnaanissarput pingaaruteqarpoq.”
Palle Jeremiassen oqarpoq: ”Eqqagassalerineq tamatta akisussaaffigaarput, kommunitut susassareqatigiinngikkaluarluta suleqatigiissinnaanerput nuannaarutigaara.”
Kommune Qeqertalik
Borgmesteri
Ane Hansen