PISORTATIGOORTUMIK TUNINIAANEQ:
B-17
Kommune Qeqertaliup matumuuna Qeqertarsuarmi illu B-17, 3953 Qeqertarsuaq pisortatigoortumik 1-5-2023 imaluunniit isumaqatigiissuteqarnikut tiguneqartussanngorlugu tuniniarpaa.
IIllu 1945-imi napparneqarsimavoq 104,0 m2.-inillu angissuseqarluni. Illu inussutissarsiornermut aamma sannavittut siunertanut kiisalu toqqorsivittut atorneqarnikuuvoq.
Pisinissamut soqutiginnissinnaasut akiliutissaminnik neqeroortigatik siunnersorteqarnissaat kaammattuutigineqarpoq.
Takuniaaneq pisinnaavoq Kommune Qeqertalik Qeqertarsuaq, 54 14 02 isumaqatigiissutigalugu'
Illumik tuniniaanermi kommuni Qeqertalimmut neqeroorummik tunniussinermi atugassarititaasut:
- Illu taamatut isikkoqartillugu tuniniarneqassaaq.
- Tuniniaasoq tunisinermut atatillugu akisussaaffimmik tigusissanngilaq.
- Pisisup illup qanoq ittuussusaanut/amigaateqarneranut atatillugu naammagittaalliorsinnaanini annaassavai.
- Neqeroornermut atatillugu qaqugu tigusinissaq ilanngullugu allassavaa aamma ulloq taannaassaaq una tikitsinnagu 1-7-2023.
- Ulloq atuilerfissammit -/tigusinissamit illu sutigut tamatigut pisisup akisussaaffigaa.
- Tamatuma saniatigut illu pisisup nammineerluinnarluni qanorluunnit atorsinnaavaa, taamaallaat sumiiffimmut najukkami pilersaarummut aalajangersakkat kiisalu allatigut inatsisit killiliisoralugit.
- Tuniniaanermut atatillugu aningaasartuutit tamarmik pisisumit akilerneqassapput, matumani piginnittuunermut atatillugu nalunaarutiginninnermut akitsuut ilanngullugu.
- neqeroorut minnerpaamik qaammatini pingasuni pituttuisuuvoq kiisalu piumasaqaatitaqarani
Neqeroorummik tunniussinermi taamaallaat makku imarineqassapput:
- danskit kooruninngorlugit ataatsikkut akiliutissat nalunaarutigalugit
- Ulloq tigusivissaq allallugu.
- neqeroorusiortitsisarnermut nalunaarummi atugassarititaasut tamaasa akuersissuteqarneq pillugu uppernarsaaneq.
- pisisup aqqa aamma najugaa allallugu, matumani CVR. NR. Ilanngullugu peqarpat
Allakkatigut neqeroorut qulaani taaneqartumut kiisalu aqqanut, najugaanut aamma oqarasuaataata normuanut / e-mail-ianut naapertuuttut kingusinnerpaamik ulloq 17-04-2023 tigoreerneqarsimassapput:
Kommune Qeqertalik
Niels Egedes Plads 1
Postboks 220
3950 Aasiaat
ilisarnaat ” B-17 Qeqertarsuaq-mut neqeroorut”
Mail: salg@qeqertalik.gl
Ullut tallimat tuniniaasup akuersereerneratigut akiliutissap annertussusaa ilineqassaaq imaluunniit qularnaveeqquserneqassaaq.
Illu tunineqassaaq piumasaqaatit naapertorlugit akisunerpaamik neqerooruteqartumut.
Kommune Qeqertalik imminut pisinnaatippoq neqeroorutit takkussuuttut tamakkiisumik imaluunniit ilaannakortumik tunuartissinnaallugit.
Kommune Qeqertalik imminut pisinnaatippoq neqeroorusiorneq utertissinnaallugu, matumani akisussaasuunani neqeroorusiortitsineq aallaqqaataaneersinnaallu arlaannaatigulluunniit pituttugaanani.
Neqeroorutit piumasaqaatinik naammassinninngitsut tiguneqassanngillat.
