Unnuk Kulturisiorfik 2023 ukiut marluk ingerlanneqanngereerluni coronap qaangiussimalernerani ingerlateqqinneqarpoq arfininngornermi januaarip ulluisa 21-anni 2023.
Tamannalu aamma Kommune Qeqertalimmi ingerlanneqarpoq.
Kommunip allaffissua inunnit iserlugu paasisassarsiorfigitinneqarpoq. Inuillu alutorsarlutik nuannisarlutillu pulaarput. Minnerunngitsumik meeqqat alutorsaatilaavissorput. Kommunip allaffissuani meeqqanit nuannarineqarnerpaavoq borgmesterip allaffianut iserneq – borgmesterip issivianut ingillutik assilitinneq – borgmesterimik assamminninneq – kommunalbestyrelsimilu ilaasortat assileqatigiissimanerannit assi – ilisarsiffigisarlugu, ilaatigut aternik taajuisarlutik imalt. taaguutaannik taasisarlutik.
Meeqqat ilaasa tanngannaariivittarpaat borgmesterip issivianut ingillutik assilitinnissartik, ilaasali ingiffigiinnarusuttarpaat. Ilaqarpulli aamma borgmesterip issiavianut ingillutik borgmester assileqatigisarlugu, ilaat immaqa inersimasunngorunik borgmesterinngorsinnaanerminnik takorluuilaartarput. Massa ilaat borgmesterip tullersortissaminnik toqqaareerlutik assilitittut.
Unnuk Kulturisiorfimmi Kommune Qeqertalik pillugu eqquiniaasitsisoqarpoq, eqqortumillu akisut akornanni makitsisoqarluni. Unnuk Kulturisiorfik 2023-mi makitaasuuvoq: Kimi Olsen Petersen, taassumalu eqqorpaa Nammattagaq Kommune Qeqertaliup ilisarnaataanik ilisarnaatilinnik assigiinngitsunik imalik: Thermokande, Powerbank, kuglepen, qaammartartoq savittalik.
