Matumuuna Kommune Qeqertaliup illut piginneqatigiit pigisaannut arfineq pingasunut sanaartorfissanut nunaminertamik inniminniineq immikkuualuttumi 1000-A21, Pujooriarfiup Saqqaata Avannaa, Aasianni, nassiuppaa. Nunap assiga ilanngussaq takuuk.
Nunaminertamik inniminniineq atuuppoq ullormit 30-12-2022 ullormut 30-12-2024.
Nunaminertamik inniminniisoqarsinnaavoq ukiut marluk tikillugit. Tassa ima paasillugu, nunaminertamik inniminniineq atuutissaaq, kommunimut pilersaarummik akuersisoqarnissaata tungaanut. Tamatuma kingornatigut nunaminertamik atugassiisoqarsinnaavoq. Nunaminertamik atugassiinermi nunaminertap atorneqarnissaa ukiunut marlunnut killeqartinneqarpoq sanaartukkanilu aamma sanaartugassani anginerusuni piffissarititaasoq ukiumik ataatsimik sivitsorneqarsinnaavoq, sanaartorneq imaluunniit sanaartugassaq il.il. aallartinneqareersimappat nunaminertamilu sulisoqarpat.
KJ Greenland A/S massakkut kommunimut pilersaarummut tapiliussamik suliarinnissaaq, immikkuualuttumi 1000-A21, Pujooriarfiup Saqqaata Avannaa, Aasianni illut piginneqatigiit pigisaannut arfineq pingasunut sanaartorfissanut tunngaviusumik pilersaarusiorluni. Kommunimut pilersaarummut tapiliussaq minnerpaamik sapaatip akunnerini arfinilinni tusarniaassutigineqassaaq kingornatigullu Kommunalbestyrelsimit akuerineqassalluni, pingaarutilinnik oqaaseqaatinik akerliliinernillu takkuttoqarsimanngippat.
Pilersaarusiorneq aamma nunaminertat atorneqartarnerat pillugit Inatsisartut inatsisaata allanngortinneqarneranik Inatsisartut inatsisaat nr. 34, 9. december 2015 (Nuna tamakkerlugu pilersaarusiornermut nalunaarusiaq, nunaminertanik inniminniisarneq, atuisinnaanermut killigititamik sivitsuisinnaanermut periarfissaq, utaqqisunik allattorsimaffiup saqqummiunneqarnissaa, pilersaarusiornermut- nunaminertamillu atuisinnaanermut atatillugu naammagittaalliortarfiup allallu atorunnaarsinneqarnissaa.) naapertorlugu nunaminertamik inniminniisoqarpoq.
