Sakutooqqinnerit ulluat tassaavoq nunami aqutsisut sakkutuuminnut qujaniarfiat nunartik pillugu aallartariaqarsimasunut.
Borgmester Ane Hansen oqalugiarnermini eqqaavaa siullermik Inatsisartuni ilaasortaalluni qaammatip missaa New Yorkimiilluni assut killissutigisimallugu Amerikami sakkutooqqinnerit ataqqiniarlugit qujaniarfigisaraat.
2004-mi Danmarkimi aamma ulloq erfasulerfittoq akuersissutigineqarsimavoq sakkutooqqinninnernut qujaniarfittut atortalissallugu ulloq 5. september.
Tassalu ullumikkut kommunemi aqutsisut ilaat Frederik Flindt Hansen sakkutooqqinnertut Kommune Qeqertalimmiit qujaniarfigineqarpoq.
Frederik Flindt Hansen 1998-imi ukiup affaa Bosniemi Overkonstabelitut aallartitaasimavoq, tassa eqqissisimanissamik nakkutiginnittutut aallartitaasimavoq. Qujanartumillu suna tamarmi eqqisisimasumik ingerlavoq, taama oqarpoq Frederik Flindt Hansen
