Naalakkersuisut 2023-mi misileraalluni aalisarnissaq pillugu qanittukkut aalajangertussaavaat. Tamatumunnga atatillugu Aalisarnermut Piniarnermullu Naalakkersuisoqarfik misileraalluni aalisarnissamut siunnersuummik nassiusseqqusilluni qinnuiginnippoq.
Naalakkersuisut pingaartippaat nunatta imartaani aalisagaqatigiinnik misileraalluni aalisarneq tamaviaarunneqassasoq. Taannaavorlu timitalerlugu piviusunngortinniarneqartoq.
Inuussutissarsiutigalugu aalisartuuguit nunattalu imartaani nutaanik aalisarfigineqarsinnaasunik periarfissarsiuilluni misissuerusuttoq, misileraalluni aalisarnissamut kissaateqartoq, taava taamaappat siunnersuutit Aalisarnermut Piniarnermut Naalakkersuisoqarfimmut nassiutissavat.
Qinnuigissavatsigit immersugassaq piffissaliussaq naapertorlugu APN@nanoq.gl-imut nassiutissagakku. Siunnersuutitut nassiussimasat Naalakkersuisoqarfimmi nalilersorneqarluni suliarineqassaaq.
Misileraalluni aalisarneq aalisarsinnaanermut akuersissutit pisassiissutillu pillugit nalunaarummi nassuiarneqarpoq aalisarfiusinnaasunik nutaanik misissuinissamut periarfissiisoqartoq, aalisakkanik nutaanik aalisarneqanngitsunik imaluunniit aalisarfioreersuni aalisaatit nutaat atorlugit periarfissiilluni.
Kalaallit Nunaat nunaavoq aalisarnermik inuussutissarsiuteqartoq, taamaattumik pingaaruteqarluinnarpoq aalisarnerup ataavartumik ineriartortinneqarnissaanut periarfissiisoqarnissaa, aalisakkanik nutaanik aalisarneqarneq ajortunik misissuisoqartassalluni, aalisarnermik inuussutissarsiutaasinnaasunngussallutik.
Aalisakkat aalisarneqarneq ajortut aalisalernissaannut periarfissarsiuilluni siunnersuuteqarnissamut periarfissaq kingulleq tassaavoq oktobarip 10-at 2022.
Attavigineqarsinnaavoq Aalisarnermut Piniarnermut Naalakkersuisoqarfimmi AC-fuldmægtig, Thomas Wykes Ineson. E-mail: twin@nanoq.gl
Immersuiffissaq uani aaneqarsinnaavoq