Naternami umimmanniarneq
Qinnuteqartitsinerup sivitsorneqarnera
Qinnuteqartitsineq 22. juni – 22. juli 2022.
Ukioq manna Naternami umimmanniarnissamut qinnuteqartoqarsinnaalerpoq:
Piumasaqaatigineqarpoq qinnuteqarnermi piniarnermut allagartap nassarnissaa, qinnuteqarnermi takuneqartussaammat, aammalu.
- Aasianni Kitsissuarsunni Akunnaamilu najugaqartuuneq.
- Piniarnermut allagartaq 2022-mut atuuttoq, kingusinnerpaamik 02.maji 2022 akilerneqarnikoq.
- Ukiuni marlunni kingullermi kalaallit nunaani najugaqareersimaneq.
- Qinnuteqarnermi 16-nik ukioqalereersimaneq.
- Qoorortooq minnerpaamik 6,5 x 55 kaliberip piginissaa.
Ilisimatitsissutigaarput Namminersorlutik Oqartussat nalunaarutaat nr. 8 umimmaat illersugaanerat piniagaanerallu pillugit 27. juni 2013-imeersoq malillugu piniarneq qinnuteqartitsinerlu ingerlanneqassammat.
Qinnuteqarneq Aasianni Sullissivimmi pissaaq.
Nunaqarfinni nunaqarfiit sullissiviani ingerlanneqassaaq.
Qinnuteqartitsineq ingerlanneqassaaq ulloq 22. juni 2022 aallarnerfigalugu, matussallunilu 22. juli 2022 kommunip allaffiata matunerani.
Sullissivik
Inoqarfik Aasiaat.
Kommune Qeqertalik.