Borgmester Ane Hansen oqaluginiarnermini eqqaavai sumiiffinni tamani sanaartornerit ingerlarsuleruttortut:
- Kangaatsiami Kommunep Qeqertaliup atuarfiliaa siulleq, tassa Namminersorlutik Oqartussanit tapiissutit atorneqarput, taakkuli saniatigut kommunep namminerisaminik atuarfiliaa siullerpaajuvoq. Aasaru pisortatigoortumik atoqqaarfissiorneqassaaq.
- Aasianni puigortunngortunut immikkoortoqarfittaaq sapaatip akunnerata tulliani (marlunngorneq 15. marts pisortatigoortumik atoqqaartinneqassaaq.
- Niaqornaarsummi meeqqerivik ukioq manna atoqqaartinneqassaaq.
- Qeqertarsuarmi inissialiassat ulapputigineqarput aammalu Qasigiannguani inissialiassat piareersarneqaleruttorlutik.
- Nunaqarfinni meeqqerivigissaanerit atuarfigissaanerillu piareersarneqarput.
- Aasianni innarluutillit najugaqatigiiffissaat, utoqqaallu pisinnaanerusut najugaqatigiiffissaat sanaartorneqaleruttorput.
- Aasianni inissiat portusuuliat siullerpaat aallartinneqarput,
Qeqertalik Business Council (Inuussutissarsiutitigut Siunnersuisoqarfik) malunnarsereerpoq. Tassa inuusuttut suliffeqarfinnik assigiinngitsunik aallartitsiortorput soorlu, takornariartitsinermik suliaqarneq, isumalluarnarput qanortorlu ineriartorluaqqikkilik.
Ane Hansen tikilluaqqusilluni ukiortaamilu pilluaqqusereermat Nunalerinermut, Imminut pilersornermut, Avatangiisinut Nukissiuuteqarnermullu Naalakkersuisoq Kalistat Lund qaaqqusanut Qasigiannguit timaanni erngup nukinga atorlugu nukiliorfissaq pillugu oqalugiarpoq.
Ilaatigut makku oqaatigineqarput:
- Mingutsitsiffioqisumi inuuvugut, taamaammat mingutsitsinermik kigaallassaaqaataanissarput pisussaaffigaarput. Oliemik, immamilu oliesiornissami annilikkillisaanermi siuttooqataavugut.
- Nunarput anorip seqernullu nukingi atorlugit imminut pilersortoq /pilersorsinnaasoq, aamma naatitat eqqarsaatigalugit.
Aningaasaliisussanik ujaasisoqarpoq, ilimanarporlu ukioq manna; immaqa aasamut sanaartorneq aallartinneqarsinnaassaaq, sunalu tamarmi ajunngitsumik ingerlariarpat 2027-mi naammassineqarsinnaassalluni.
