Aasianni Utoqqaat Illuani tuniluutilerneq
Matumuuna nalunaarutigissuarput Aasianni Utoqqaat Illuani ineqartut akornanni annertuumik tuniluuttoqalersimammat.
Utoqqaat Illuani tuniluutinnginnissaq anguniarlugu sapaatip akunnera siuliani illoqarfimmi Covid-19-mik tuniluunnerit amerlimmata Utoqqaat Illuani sulisut ineqartullu tamaasa sapaatip akunneranut marloriarlugit antigentest atorlugu misissorneqartarput. Utoqqaat Illuanilu tunillatsittoqarmat, ullut tamaasa sulisut ineqartullu aamma misissorneqartarlutik.
Massakkullu paasinarsivoq tuniluunneq sukkasuumik annertuumillu ineqartut akornanni aallartissimasoq.
Taamaattumillu ineqartut suli tunillatsissimanngitsut illersorniarlugit Utoqqaat Illuani illu nutaamut nuutsinneqarput suli tunillatsissimanngitsut illersorniarlugit.
Qanigisaasut tamarmik ilisimatinneqareernikuupput.
Sulisut ineqartutuulli eqqugaanikuummata innuttaasunut nalunaarutigissuarput pulaartoqarsinnaaneq unitsikkatsigu. Siusinnerusukkut tunillaassuisoqannginnerani qanigisaasut attaveqaataasut kisimik isumaqatigiissuteqarnikkut pulaarsinnaanikuupput.
Tamannalu aaliangerneq peqquteqarpoq peqqinnissaqarfik isummersortereerlugu aammalu covid-19-mik tunillatsereeraluartut tunillatseqqissinnaanerat tunillaassuisinnaanerallu aarleqqutigineqarmat.
Inussiarnersumik inuulluaqqusillunga | Med venlig hilsen
Arne Sandgreen Reimer
Bychef
Aasiaat