Aasianni Kommunep suliffiutaani malitassat nutaat
Ullumikkut ilisimatinneqarpugut ulloq 7. December 2021 Aasianni Covid-19-mik tunillatsittoqarsimasoq.
Tikiusaaq
Ataaseq tunillatsissimavoq Tikiusaami inimi Ungaaq. Pineqartoq illoqataasullu angerlarsimaffimminni mattusimatinneqalereerput. Ungaakkunni meerartallit innersuutigineqarpoq tunillatsissimanerannut misissortinneqarnissaannut napparsimavimmut saaffiginneqqullugit. Meeqqat inini allaniittut ersiuteqarunik misissortinneqarnissai aamma innersuussutigineqarpoq.
Gammeqarfik
Aasianni Gammeqarfimmi atuartuutilinnut atuarfiup pisortaa immikkut nalunaaruteqartussaammat innersuussutigivarput angajoqqaat forældreintrakkut malinnaaffigeqqullugit.
Anartarfilerineq
Anartarfilerisut sulisut illumut iserlutik igitassanik aallertarunnaarput, taamaattumillu anartarfimmi igitassanik najugaqartut namminneq suliareriarlugu annittassavaat. Igittakkanik anartarfillit illup silataanut namminneq puussiaq ilisassavaat, kisiannili namminneq igitsissanngillat, tassulu utoqqaat pittorluttullu qinnuigissavagut Sullissivimmut saaffiginneqqullugit oqarasuaammut uunga 70 19 00 imaluunniit mailimut uunga qeqertalik@qeqertalik.gl . Taakkununnga saaffiginnittut kisimik sulisunit isumaqatigiissuteqaqqaarlutik allaffissuarmut isersinnaapput isumaqatigiissusioriartorlutik.
Sullissivik Aasiaat, Kommune Qeqertalik
Kommunemut saaffiginninniaraanni oqarasuaatikkut saaffiginneqqaartoqartassaat 70 19 00-mut.
Ornigulluni saaffinninniaraanni inniminneeqqaarluni saaffiginnittoqartassaaq imaluunniit mailikkut inniminniisoqarsinnaavoq uunga : qeqertalik@qeqertalik.gl
Ornigunniaraanni Sullissiviup isaariaatigut ataatigut isertoqartassaaq aqqusernup nalaatigut.
Sullissivimmut isernermi coronapas piumasaqaataanngilaq, kisiannili saaffiginnittarfimmiit qummukarniaraanni coronapas Sullissivimmi sulisunut takuteqqaarneqartassaaq.
Utoqqaat sanngiitsullu sissuikkit
Utoqqarnut aamma inunnut timikkut akiuussutikitsinut TAMANUT pulaarnerit , igammik Aasianni utoqqaat illuutaaniittunut, pisariaqanngitsumik pulaarnerit pinaveersaartinneqassapput, tamannalu utoqqaat innuttaasullu timimikkut akiuussutissakitsut angerlarsimaffiinut aamma atuulluni. Innersuussutigissavarpullu utoqqaat illuani najugaqartut qanigisaasut kisimik pulaartarnissaat.
Malitassat atuutsinneqassapput kommunemiit allamik nalunaaruteqartoqarnissaata tungaanut.
Inussiarnersumik inuulluaqqusillunga | Med venlig hilsen
Arne Sandgreen Reimer
Bychef
Aasiaat