Sisamanngorneq 4. november 2021. Borgmesterip tullia siulleq Frantz Lundblad Aasianni angerlarsimaffimmut ornigulluni Ina Sørensen aamma Villy Themotheussen katitippai.
Ulloq katiffiat puigunaappoq tassami Ina 1977-mi inunngorpoq ullorlu katiffianni Ina Sørensen-ip angutaa Aron Sørensen 77-nik ukioqalerluni inuuissiorpoq.
Katittut Ina Themotheussen Sørensen aamma Villy Sørensen Themotheussen katinneranni, Inallu angutaata inuuiani ilaqutariit tamaasa pilluaqqungaarpagut Kommune Qeqertalimmit.
Allattoqarfik INUA
