Aasianni, Qeqertarsuarmi, Qasigiannguani Kangaatsiamilu marlungorneq 26. Oktober 2021 Najukkami ataatsmiititaliamut qinersinerit illoqarfiit katersortarfiini ingerlanneqarput.
Illoqarfinni tamani qinersisinnaatitaasut 216,5 missiliorlugit amerlassusillit qinersipput, qinersisartoq ataaseq marloriarluni taasisinnaatitaammat taasinerit katillugit 433-iupput.
Aasiaat:
Kristina Knudsen, Agathe S. Rafaelsen, Timooq Mølgaard, Paarnaq Gedionsen, Paneeraq Sandgreen.
Qasigiannguit:
Søren H. Lange, Gaba Rosbach, Lotte Reimer, Kristian Rosing, Jakob Kaspersen.
Qeqertarsuaq:
Maritha Broberg, Bella Broberg, Kasper Skifte, Oluf Olrik, Søren Broberg.
Kangaatsiaq:
Magdaline Johansen, Joori-Viivi Siegstad, Ulla Lundblad, Miki Jeremiassen, Jens-Ole N. Madsen.
Borgmesteri Ane Hansen, Aasianni unnuk qinersivimmi najuuttoq qinigaasunut tamanut pilluaqqusivoq:
“Kommunalbestyrelsi sinnerlugu Najukkami ataatsimiisitaliamut qinigaasut pilluaqquakka, qilanaarpugut malunnaatilimmik illoqarfigisassinni sunniuteqarluarlusi suliaqalernissassinnut, sulilluarnissassinnik kissaappassi suleqatiginissarsilu qilanaaraarput”- Taama pilluaqqusivoq borgmesteri Ane Hansen.
Najukkami ataatsimiititaliamut qinigaasut 28. Oktober 2021 kommunalbestyrelsip ataatsimiinnerani pisortatigoortumik akuerineqassapput.
Inissitsiterluni ataatsimiinneq ingerlanneqassaaq 29. Oktober 2021 illoqarfinni tamani.
Qinigaasut Kommune Qeqertalimmit pilluaqquagut sulilluarnissaanillu kissaallugit.
Aasiaat:
Aasianni unnummi Najukkami Ataatsimiititaliamut qinersinermi illoqarfimmi pisortaq Arne Sandgreen Reimer aammalu Inoqarfimmi aqutsisoq Aviaq Lange Nielsen Najukkami Ataatsimiititaliap suliarisinnaasai ilaasortaasimasullu angusaat pillugit saqqummiivoq, Søren Alaufesen nipilersorluni akunniliisuulluni. Qineqqusaartut tamarmik 5 min. periarfissinneqarput saqqummiinissaminnut kingornalu aamma ilassuteqarnissaminnik periarfissinneqarlutik.
Aasianni inuit 80-it missaaniittut takkupput, qinersisinnaasullu 60-it sinnilaarlugit qinersillutik.
Unnuk persuarsiornartumik qiimasumillu ingerlanneqarpoq.
Qasigiannguit:
Qasigiannguani unnuk qinersivimmi Suliassaqarfik Timi Tarnilumi aqutsisoq Laila Mikaelsen tikilluaqqusereermat isersimasut ataatsimut erinarsoqatigiipput, Najukkami ataatsimiititaliaq pillugu Laila Mikaelsen saqqummiussilluni, qineqqusaartut qineqqusaarutiminnik saqqummiussereermata Laila Falck- Petersen nipilersorluni akunnileereermat qinersineq ingerlanneqarpoq.
Qeqertarsuaq unnuk qinersivimmi Illoqarfiup sullissiviini pisortaq Benedikte Mølgaard tikilluaqqusivoq, Kristian-Ole Broberg aamma Knud Brandt nipilersorlutik akunnileereermata Najukkami ataatsimiititaliaq pillugu Suliassaqarfik Timi Tarnilumi pisortaq Felix Olrik aamma Illoqarfiup sullissiviini pisortaq Benedikte Mølgaard saqqummiussipput, qineqqusaartut 5. Min missaanik sivisussuseqartumik ingerlareermat qinersisoqarpoq.
Kangaatsiaq:
Kangaatsiami unnuk qinersivik cafeernermik ingerlanneqarpoq, Suliassaqarfik Timi Tarnilumi sulisut Jonas Frederiksen aamma Jan Markussen appisimaarput Illoqarfiup Sullissiviini Pisortaq Hans Inûsugtok tikilluaqqusivoq Najukkami ataatsimiititaliaq pillugu Suliassaqarfik Timi Tarnilumi pisortaq Rita Hendriksen saqqummiussivoq, qineqqusaartoqareermat innuttaasut oqallipput.
Allattoqarfik INUA