Judithe qinersisoq
Pingasunngorneq 15. september 2021 Tamat oqartussaaqataanerisa FN-ip ullorititaa malunnartinniarlugu Gammeqarfimmi atuartut atuartoqatigiinnut siulittaasussamik qinersineq ingerlappaat.
Qinersinnginnermi atuartut 1. klasseniit 10. klassenut nalunaaqutalersukkamik siulittaasunngorniullutik qineqqusaartunut apeqqarissaarneq uummaarissumik ingerlanneqarpoq. Qineqqusaartut ateqarput: Nora Dahl Josefsen aammalu Judithe Geisler Lundblad – qineqqusaarnertik uummaarissumik apeqqarissaartunut akissutissaqartarlutik ingerlappaat. Apeqqarissaartitsinerit qineqqusaarnerillu pereermata qinersineq ingerlanneqarpoq. Nal. 13.00 missaani qineqqusaartuni qinigaanerpaaq suaarutigineqarpoq. Ukioq atuarfiusoq 2021/2022 Gammeqarfimmi atuartoqatigiinni siulittaasunngorpoq Nora Dahl Josefsen. Qineqqusaartut tamaasa angusaannik pilluaqquagut suleqatigilluaqqinnissaannillu qilanaalereerpugut.
Atuartuni qinersisinnaasuni 411-ini atuartut 302-it qinersiartorsimapput. Ullormi qinersivimmi piviusunngortitseqataasut suleqataasut minnerunngitsumillu qineqqusaartut qinersisunullu qujanarujussuaq.
Inussiarnersumik inuulluaqqusilluta
Ajaaja Rosing
Atuarfiup pisortaanera