Pingasunngorneq septemberip aallaqaataa Hilda Zeebimut puigunaatsuuvoq. Ullormi tassaavoq Ataqqinartorsuup Dronning Margrethep aappaata sølvimik nersornaasiuttagaanik Fortjensmedlajemik saqqarmiulerneqarnera.
Nersornaammik saqqarmiuliisuuvoq kommunalbestyrelsimi ilaasortaq Qeqertarsuarmiu Karl Thue Nathanielsen.
Kommunalbestyrelsimi ilaasortaq Karl Thue Nathanielsen & Hilda Zeeb.
Ataqqinartorsuup Dronning Margrethe aappaata nersornaasiuttagaanik Fortjensmedajlemik sølviusumik saqqarmiuliineq immikkuullarissumik ingerlanneqarpoq, Hilda ukioq 2019-mi pisortat suliffeqarfiutaani ukiuni 40-ni sulinermi saqqarmiussaa tikinngitsoormat nalliuttorsiutigineqarpoq, maannalu ukiut marluk qaangiunnerani persuarsiornartumik saqqarmiulerneqarluni.
Hilda Zeeb Qeqertarsuaq kommuniugallarmat siullermik meeqqerivimmi sulileqqaarpoq kingorna atuarfimmi sulisimanera nersornaammik saqqarmiuliuusup Karl Thue Nathanielsenip atuarfimmi pisortartut sulilluni Hilda atorfinitsissimanera immiikkuullarissumik eqqaavaa. Hilda kommunimi pitsaaliuisutut aamma miljøarbejderitut sulisimavoq. Ullumikkut ilaqutariit Illuani aqqutissiuisutut atorfeqarpoq.
Persuarsiorluni nalliuttorsiorneq Qeqertarsuarmi Ilaqutariit Illuanni ingerlanneqarpoq Hildap ilaqutai qaninnerit aamma suleqatai najuuttoralugit.
Hilda Zeeb ilaqutaalu Kommune Qeqertalimmit pilluaqqungaarpagut.
Qeqertarsuaq, Kommune Qeqertalik & Allattoqarifk INUA
