Qeqertarsuarmi Illoqarfiup Sullissiivini pisortaq Benedikte Mølgaard ukiuni 40-ni pisortat suliffeqarfiutaani sulinera pillugu nalliuttorsiutigineqarpoq.
Qeqertarsuarmi illu qorsuusoq Aqqalualiip aqqutaaniittup Benedikte Mølgaardip (Angajooqqap) uiatalu Søren Brobergip silataani erfalasulerfiup aappalaartua erfarusaarpoq, ullormi tassaavoq Angajooqqap pingasunngornermi septemberip aallaqaataani pisortat suliffeqarfiutaani ukiuni 40-ni sulisimanermini nalliuttorsiornera.
Angajooraq ilaquttani ilisarisimasanilu qaninnerit peqatigalugit kissaatigisamisut nalliuttorsiorneq angerlarsimaffimminni ingerlappaat.
Benedikte Mølgaard (Angajooraq) Qaasuitsup Kommunia avinneqalermat siullersaalluni Ikaarsaariarnermut ataatsimiititaliami pisortaanertut atorfinippoq ukioq 2017. Kommune Qeqertalik pilersinneqarmat 1. januar 2018 Qeqertarsuarmi Illoqarfiup Sullissiviini pisortartut atorfinitsinneqarpoq maannamut atorfigisaminik.
”Iserfigalugit angerlarsimaffia iseruminarluinnarpoq, aneqqinnissamillu eqqarsarnanngitsumut iserluni matu mapperlugu torsuusamut appakaannermi illup ilua kaffisunnialaarlunilu igaanik tipigeqisunik naamasassaavoq.Angajooraq arnaq nukittuutut, nunamullu tunngasuusoq qularutissaanngitsumik oqaatigineqarsinnaavoq, arnaavoq isummanut tamanut inissaqartitsisoq. Toqqissisimanartumillu aqutseriaaseqarnera kommunimi sulisunut siammaattarpoq.”- Taama oqaaseqarpoq nalliuttorsiornermut najuuttoq suliassaqarfimmi INUIT-mi aqutsisoq Per Andersen.
Benedikte suleqatiminit tunissuteqarfigineqarpoq aamma suleqataata Ajanap erinarsorfigivaa.
Benedikte Mølgaard (Angajooraq) ilaqutaalu Kommune Qeqertalimmit pilluaqqungaarpagut.
Qeqertarsuaq, Kommune Qeqertalik & Allattoqarfik INUA.
Benedikte Mølgaard suliffigisimasai:
01.01.2018 – Suli maannamut Illoqarfiit Sullissiviini Pisortaq. Qeqertarsuaq, Kommune Qeqertalik.
22.06.2017 – 30. december 2017. Ikaarsaariarnermut Ataatsimiititaliami Pisortaaneq. – Qaasuitsup Kommunia.
01.05.2016 – 21.06.2017 Pisortaq aningaasaqanermut immikkoortortaqarfik- Qassuitsup Kommunmia.
13.04.2015 – 30.04.2016 Allaffissornermi sulisoq -Ilisimatusarfik.
01.04.2012 – 12.04.2015 Allaffissornermut Pisortaq – Niuernermik Ilinniarfik Nuuk.
01.06.2005 – 31.03.2012 Aningaasaqarnermut Pisortaq, Pisortaaneq, Suliassaqarfimmi aqutsisoq, Fagchef- Qeqertarsuup Kommunia aamma Qaasuitsup Kommunia.
01.08.2003 – 31.05.2005 Allaffimmi Pisortaq- Niuernermik Ilinniarfik Nuuk.
01.09.2001 – 31.07.2003 Allaffimmi Pisortaq – Ilinniarfissuaq Nuuk.
01.02.2001 – 31.08.2001 Allaffimmi Pisortaq- Saviminilerinermik Ilinniarfik.
16.01.1995 – 31.01.2001 Allafimmi Pisortaq – Niuernermik Ilinniarfik, Qaqortoq.
01.10.1989 – 15.01.1995 Suliffissarsiorfimmi Siunnersorti – Qeqertarsuup Kommunia.
01.09.1985 – 30.09.1989 Kultureqarnermut Ilinniartitaanermullu Ingerlatsivimmi ikiorti- Qeqertarsuup Kommunia.
01.09.1981 – 31.08.1985 Allaffimmiunngorniarneq kiisalu ikiortitut - Dronning Ingridip napparsimmavissua Nuuk.