Matumuuna nalunaarutigissuarput ataasinngorpamiit
ulloq 9. august 2021 meeqqerivik Kulloq ammaqqinneqassammat.
Taannalu peqquteqarpoq meeqqerivimmi sulisunik
atuisunillu misissuisoqareernerata kingorna aammalu paasineqarmat
tunillaassuunneq meeqqerivimi ingerlasimanngimmat.
Taamaalillunilu meeqqeriviup Kulloq-mi kiffartuussineq
aallarteqqippoq sulisoqalerluni ulloq 9. august 2021 aallarnerfigalugu.
Angajoqqaallu kajumissaassavagut peqqinnissaqarfimmiit
misissortissimanermi nassiunneqarsimasoq sms-kkut tunillatsissimannginnermut
akissut meeqqamik siullermeerluni aggiussinermi sulisunut takutinneqarnissaa.
Atuisunulli erseqqissaatigissavarput covid-19-mi
ersiuteqaraanni meeqqerivimmiitsitsinani angerlarsimaannarallarnissaq
kajumissaarutigineqassammat, aammalu napparsimavimmut sianernikkut
apeqqutilliisoqarsinnaammat imaluunniit misissortinnissamik inniminniisoqarsinnaammat.
Aammalu ilanngullugu erseqqissaatigissavarput
angajoqqaanut aallernermi sapinngisamik inuk ataaseq aallertassammat, aammalu
qanermut assiaquteqarluni isertoqartassammat. Taassumalu saniatigut pisortat
innersuussutaat malilluarnissaat kissaatigineqarpoq.
Qujavugullu meeqqerivimmi Kulloq-mi atuisunut tamanut
Covid-19-mik akiuiniartoqarnerani atuisut tamarmik paasinnilluarlutillu
suleqataalluarnerannik.
Arne
Sandgreen Reimer
Illoqarfiup
Sullissiivini pisortaq.
Aasiaat,
Kommune Qeqertalik.