Siullermik atuartunut angajoqqaanullu qujarusuppugut ukiup atuarfiusup aallartinnerani COVID 19 toqqammavigalugu atuarfiup iluani killilersuilluta atuartitsinitsinni ilaatigut zonikkaarinerit atuutsissimallutikkit aammalu atuartut ininiit ininut iseqattaannginnissaanik killilersuisimalluta.
Atuartut angajoqqaallu paasinnilluarlutik killilersuinernut suleqataalluarsimammata qujaffigerujussuarpagut.
COVID 19 pillugu killilersuinerit allanngunngillat, tassa 31. oktober 2021 tungaanut suli atuutsinneqarmata. COVID 19-imilli tunillatsissimasut ikilimmata atuarfimmi killilersuineq sakkukillivarput.
Nuannaarutigalugu nalunaarutigissuarput atuartut skematik malillugit atuarneq ingerlatilissammassuk pingasunngorneq 25. August 2021 aallarnerfigalugu.
Angajoqqaat/akisussaasut allallu atuarfiup avataaneersut atuarfimmut isissagunik qanermut assiaqutit atortassavaat.
Taamaakkaluartorli suli immitsinnut paaraluta pissaagut, nakorsaaneqarfimmiit innersuussutigineqartut malittarissallutigit, soorlu assaat asannissaat, talimut quersortarnissaq allallu.
Inussiarnersumik inuulluaqqusillunga
Atuarfiup Pisortaanera
Ajaaja Rosing.
