Vaavamik matusigallarneq.
Ippassaq ulloq 28. juli 2021 nalunaarfigineqarpugut Nuummi Corona pillugu upalugaarsimasuutitaninngaanniit Vaavami tunillatsittoqarsimanera peqqutigalugu sisamanngornermi 29. juli 2021 aallarnerfigalugu meeraaqqerivik Vaava matugallassasoq.
Matusigallarnerlu peqquteqarpoq covid-19-mi allanik tunillaassuuttoqarsimanersoq oqartussaniiit paasiniarneqartussaammat aammalu allanik tunillaassuunneq unitsinniarlugu.
Tamannalu isumaqarpoq Vaava matoqqagallassasoq allamik nalunaartoqarnissaata tungaanut aammalu meeraaqqerivimmi sulisut, meeqqat angajoqqaat tamakkerlutik, piaartumik angerlarsimaffimminni mattusimaqquneqalerput.
Angerlarsimaffimmi mattuteqqaneq atuutissaaq, tunillatsinnerminnit kingullermit pineqartut ullut arfineq aappassaanni misissortinnerminni tunillanneqarsimajunnaarnissamik tungaanut. Misissortilluni ulloq siusinnerpaamik tassaassaaq marlunngornermi 3. august 2021, tunillatsissimasoq kingullermi Vaavamiissimammat 27. juli 2021-mi. Pineqartut namminneerlutik misissortinnissaminnut inniminniissapput.
Ersiutinik malugisaqarunik (soorlu kissarneqarneq, panertumik quersorneq, nukitsigut anniarneq il. il.) peqqinnissaqarfimmut taakku attaveqassapput.
Allanik apeqqutissaqartoqaruni, taakku nittartakkakkut nun.gl alakkartersinnaavaat nun.gl imaluunniit sianersinnaapput uunga hotline-mut 80 11 10-mut
Erseqqissaatigissuarpullu pisortaniit Vaava-mi meeqqat angajoqqaavi attavigineqarnissartik naatsorsuutigissammassuk, tassanilu annerusumik paasissutissat pineqartussaallutik.
Allattoqarfik INUA. Kommune Qeqertalik.