Taamatut Hans Egedep Kalaallit ulluinnarni inuunerat allaaserai.
… ”arsarfissamillu qeqqata missaani katersuutissapput imaluunniit naapissapput; arsarisaq nunamut nalorujunneqassaaq taamalu isikkaminnit aqittarlugu ajuuffissaminnut ajuunniaqattaartarlutik.” …
Atuakkiamini 1741-meersumi Hans Egedep assilissani naqitassiani allanneqarneranilu Kalaallit ukiut 300-t matuma siorna atugaannik nalunaaruteqarpoq.
Qasigiannguit Katersugasiviata juli 2021-mi saqqummersippai assilissat allisitat 13-t
akornannit arfineq-marluk 1741-meersut. Oqaasertaasut ullumikkut ulluinnarsiutaasut qallunaatut, kalaallisut tuluttullu atorlugit allagaapput.
Assilissat oqaasertaasalu takutippaat taamanikkut ulluinnarsiutaasut: Aasakkut ukiukkullu najugaat, pisissimik aavarneq, sikumi puisinniariaatsit, umiamik arfanniarneq, isikkamik
assammillu arsarnerit, qilaatersorneq qitinnerlu, pinnguaatit nukassarlunilu allunaamik atuineq.
Atuakkap aqqa tassa: Det gamle Grønlands ny Perlustration eller NaturalHistorie.
1741-mi junip 20-ani saqqummersinneqarluni.
Atuakkatut assilillugu naqiteqqinneqarpoq 1984-imi saqqummersitsisarfimmit Rhodos-
Imit.Atuakkap uppernarsaatitullusooq takutippaa siulitta ulluinnarni inuunerat ukiut 300-t matuma siorna; tamannalu Qasigiannguit Katersugaasiviata ulluinnnarni atisatoqqanik
allanillu sanaartornermini qiviallattaarivai”Nunaqarfik Uumassusillip” iluani.
Saqqummersitaq ”Siulitta ulluinnarni. inuunerat ukiut 300-t matuma siornatigut takusarneqarsinnaavoq Qasigiannguani Katersugaasivimmut aasap ingerlanerani taamatullu sapaatit tamaasa piviusuusaartitsinermi tupeqarfimmi 1700-kunni pisimatitanut Tasersuup
sinaani Qasigiannguit kangiatungaani.
