Ippassaq ulloq 27. juli 2021 nalunaarfigineqarpugut Nuummi Corona pillugu upalugaarsimasuutitaninngaanniit tunillatsissimasut sisamat pulaarsimanerat qanimullu attaveqarsimanerat peqqutaalluni Kulloq pingasunngornermi 28. juli 2021 matugallassasoq.
Matusigallarnerlu peqquteqarpoq covid-19-mi misissuisoqarnerani mianersortoqarnissaa aammalu tunillaassuunneq siaruatsaaliornissaa anguniarlugu matusigallartoqarmat. Tamannalu pissuteqarluni ilaatigut pisortat misissuinerminni piffissaq atorfissaqartitartik atortariaqaramikku.
Tamannalu isumaqarpoq Meeqqerivik Kulloq matoqqagallassasoq allamik nalunaartoqarnissaata tungaanut.
Erseqqissaatigissuarpullu pisortaniit Kulloq-mi meeqqat angajoqqaavi attavigineqarnissartik naatsorsuutigissammassuk, tassanilu annerusumik paasissutissat pineqartussaallutik.
Covid-19 pillugu paasiniaasoqassappat corona hotline telefonnr. 80 11 00-mut sianernikkut paasiniaasoqarsinnaavoq. Testertinnissaq, misissortinnissaq pillugu apeqquteqartoqassappat imaluunniit inniminniisoqassappat Aasiaat Napparsimavianut sianissapput oqarasuaat:
89 42 56-mut sianertoqarsinnaavoq nal. 13:00-14:00 akornanni
Imaluunniit ullaakkut oqarasuaat: 80 11 14 nalunaaqutaq: 8:15- 9:15.
Nutaanik paasissutissanik pissarsisoqaraagat innuttaasunut nalunaaruteqartarumaarpugut, aammalu innuttaasut kajumissaarusuppagut nutaanik paasissutissanik malinnaasoqarsinnaasoq nun.gl, kommunip nittartagaatigut imaluunniit facebook aqqutigalugit.
Inussiarnersumik inuulluaqqusillunga:
Arne Sandgreen Reimer
Illoqarfiup sullissiviini pisortaq.
Aasiaat. Kommune Qeqertalik.